|
مساعدة يا شباب
انا معايا كريستالة 98 بقالها معايا سنتين 1300 cc اوتوماتيك
فية مشكلة مش عارف هى مشكلة اساسا ولا لأ؟؟ مش المفروض لما اجى ادور العربية وهى على P تدور؟؟؟ ساعات تدور وهى على p وساعات لأ لما اجى ادورها الصبح بجيبها على N تروح دايرة على طول ؟؟؟ هل دة عيب فى الفتيس ارجو المساعدة واية الحل؟؟؟؟:pty: |
رد: مساعدة يا شباب
طالما الموضوع ده مش مسببلك مشاكل من جهة الدواره والسحب
وإنتظام النقل الأتوماتيك وبدور معاك على ال N على طول فبلاش تدى الموضوع أكبر من حجمه علشان متخشش فى مهاترات الصنايعيه وتلاقى العمليه فتحت معاك ----------------- وطبعا ده عيب فى الفتيس وخصوصا فى منظومة كلبشة مكونات الفتيس الداخليه لما بتحط السيلكتور على الP واضح إن المنظومه دى مش منتظمه فى آدائها لوظيفتها شغاله بحالات يعنى --------------------- وفيه فكره كمان ممكن تتأكد بيها من توقعاتى كالآتى لما تيجى فى مره تدور وأنت على الP ولقيتها مش راضيه تستجيب للدواره فهنا متوقع أن تكون منظومة كلبشة المكونات الداخليه غير فعاله أى رافضه أن تؤدى ماهو مطلوب منها من أعمال كلبشه للمكونات الداخليه هتنزل فرامل اليد وتزق السياره للأمام أو الخلف لو إتحركت السياره معاك يبقى كل اللى قولتهولك سليم |
رد: مساعدة يا شباب
تسلم يا كبير والف شكر على سرعة الرد:140109~347:
|
رد: مساعدة يا شباب
انا بقى عندى المشكلة معكوسة
بمعنى ان لما يكون الفتيس على P تدور السيارة فى كل المرات بسلاسة لما يكون الفتيس على N تدور احيانا ولاتدور فى احيان اخرى انا فكرت يمكن ده مرتبط بوضع الفتيس ساعة لما بطلت الموتور فى المرة اللى قبلها لانى احيانا ابطل الموتور والفتيس معشق لكن بصراحة مش لاقى علاقة مفيدة العربية مرسيدس مو 82 بنزين الموتور الاسود تحياتى للجميع |
رد: مساعدة يا شباب
:CHICKA~11:
|
| الساعة الآن 09:45 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017