|
الاسبراتير الالكترونى
حد جرب يغيير الاسبراتير العادى باسبراتير الكترونى ؟؟ هل فرق فى حاجة ؟؟ هل عمره الافتراضى قليل زى الابلاتين و الكوندنسر ؟؟ بيجى استيراد و لا جديد و اسعاره بتعمل كام ؟؟
|
رد: الاسبراتير الالكترونى
الفكرة ان حضرتك تلاقى اسبراتير الكترونى لعربيتك اللى ما ذكرتش هى اية ولو لقيتة بالتاكيد هو افضل من الاسبراتير العادى وعمرة الافتراضى طويل جدا بخلاف العادى
|
رد: الاسبراتير الالكترونى
انا جربته فى موتور 131
وطبعا فرق كتير فى السحب والاداء ككل عمره الافتراضى لااعلم واعتقد ليس له اعطال سوى المشط وممكن تخلى معاك مشط اسبير تغيره بايدك وقت الحاجة انا جبته استيراد هو والبوبينة الالكترونى بتوع الشاهين ب350جنيه ارجو اكون اجبت على كل الاستفسارات دمت بود اخى الكريم |
رد: الاسبراتير الالكترونى
جربته فى البولونيز 1990 وأثبت فشله الزريع ورجعت تانى للعادى ومشكلته دايما فى المشط بيبوظ بسرعة وغالى ومبيبقاش متوافر الا استيراد والاستيراد ملهوش لازمة ودى تجربتى معاه والله اعلم :fun_broken:
|
رد: الاسبراتير الالكترونى
الإليكترونى موجود والعادة موجود
بس الإليكترونى مش هيحتاج ظبط زى العادة يعنى يا شغال يا إما لأ إنما العادة لازم يتظبط صح يا أما يحصل الآتى: العربية تجرى بهبل وتقصر العمر الإفتراضى للموتور العربية تتخنق وتاكل بنزين وماتسحبش على البطىء إنما فى الطوالى تبقى معقولة تبقى ماشية معاك كويس إنما تلاقى سيات 133 يطلع منك على طريق مفتوح ( مع إحترامى للسيارة القديرة وكل من يمتلكونها) أو تنتش جامد على السريع و البطىء وتكسر فى قواعد الموتور أو الكردان او الكبالن انا معايا العادة وبستخدمه لأسباب إقتصادية خاصة بيا انا بس الصراحة الإليكترونى أحسن بكتير وعن تجربة فى الدوجان والشاهين حاجة أخيرة معلش للإطالة قريب مش هنلاقى العادة ولا هنلاقى أبلاتين وكوندينسر يعنى لازم تعمل مخزون كويس من الحجات دى وطبعا الإسبراتير العادة الصينى :090104~384: موجود بكثرة بس خسارة فيه الفلوس كبيره سنة وبيترمى :12EA6C~133: |
| الساعة الآن 01:34 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017