العربية زيرو معملتش 50 كيلو واتخبطت الله يخربيت الستات
 

السلام عليكم ورحمة الله وبركاتة

انهردة انا حزين جداً
العربية لسا مستلمها اساعة 4 العصر انهردة .طالع كوبري اكتوبر نزلت نزلة البطل عبد العزيز داخل عالبنزينة افول . واقف في امان الله العربية لسا معملتش 50 كيلو حتي . راحت الاخت المبجلة عايزة تطلع من البنزينة فبكل هدوء جابت ورا
وبكل ثقة مسبتش دواسة البنزين غير لما وقفت علي حطام الكشاف وكسر مفصلة الاكصدام .
نزلت وبصيت للمنظر لقيتها بتضحك وبتقلي انا اسفة جدا مخاتش بالي .
طبعا انا حسبنت ووكلت وكان في نيتي انها عين الزيرو وقدر الله وماشاء فعل راحت هيا

ودخلت عربيتها مسكت الشنطة وراحت نازلة ماسكة البوك ! وبتطلع ليا 200 جنية
انا طبعا كان ضغط الدم عندي فوق ال 500وحاسس اني هنفجر فيها وحركة الفلوس ولعت فيا اكتر . فجبت الظابط وائل شهاب ودة صديق شخصي . وخد مفتاح عربيتها وعمل محضر فهيا قالت لالا شوف تتصلح بكام ونصلحها
فما كان مني الا اتصلت بالمعرض وقلتلو الاكصدام بكام والفنوس بكام . طبعا الراجل كان هيتجنن يقلي انت لحقت تخبطها .
وقالي 2200 جنية فقلتلها راحت معيطة ! وقالتلي معيش فلوس وارجوك انا واخدة العربية من ورا جوزي وانت كدا هتخرب بيتي ! ؟ وكانت بتعيط بشكل هستيري .
فالظابط قالي شوف انت عايز اية وانا اعملو لحضرتك .

.
لو انتو مكاني بقا هتعملو اييييية ؟
دية خبطتها بتقطع القلب . دية لسا زيرو .. بس الحمد لله قدر الله وماشاء فعل .
. هقلكم عملت اية فالاخر بس قلولي انتم هتعملو اية بصراحة :fun_36_1_44[1]:

رد: العربية زيرو معملتش 50 كيلو واتخبطت الله يخربيت الستات
 

انا عندى مقوله وبعمل بيها من اتلف شئ فعليه اصلاحه
وانا لما كنت بخبط حد ودا انا عملته مره واحده ريحت على واحد فشرختله الاكصدام بتاعه اخدته ومشينا ورا بعض واشترتله واحد جديد وسبته ومشيت

رد: العربية زيرو معملتش 50 كيلو واتخبطت الله يخربيت الستات
 

فعلا دى عين الزيرو والمواضيع دى فيها كلام كتير
مبرووووووووووووووك على الزيرو
ويارب نكون اخر خبطه وتتمتع بخيرها

رد: العربية زيرو معملتش 50 كيلو واتخبطت الله يخربيت الستات
 

الدين بيقول من اتلف شئ فعلية اصلاحة وكمان لو انا لسة مافرحتش بالعربية بسببها فاتدفع ولو اية اللي حصل عشان تتعلم ماتسرقش عربية جوزها وكمان مش بتعرف تسوق افرض ضربت واحد باعربية معاة عيال حاتقعد تبكيلة وتقوللة اسفة ماخدتش باللي معاقبة المخطئ هيا اساس بناء المجتمع ولا اية عامر سوهاج SLAM

رد: العربية زيرو معملتش 50 كيلو واتخبطت الله يخربيت الستات
 

انا لو منك مش هعمل حاجة وهستعوض ربنا وامري لله ، انا معاك انها غلطانة وان حقك انها تصلح عربيتك علي حسابها، بس المسامح كريم

وعايز اعرف انت عملت ايه؟؟؟؟؟؟؟؟؟؟؟

ومعلش الحمد لله انها جات علي قد كده