سوال فى عربيه لانوس 2010 مانيوال ارجو الافاده
 

انا عندى سؤالين
السوال الاول: فى الماتور الميكانيكى بيقولى حط زيت 3.5 بالفلتر وبتاع الزيت بيقولى 4 بالفلتر انا استخدم ايه بالظبط ولا اسمع كلام مين وايه الصح
السوال التانى : انا عايز اعرف استخدم الغيار يعنى مثلا اجيب الاول على 20 كيلو متر ولا على 40
بس الميكانيكى قالى غلط خلى الاولنى 40 مش 20 عشان اقسم ال 220 على ال 5 غيارات ده كلام صح ولا ايه بالظبط وانا مش فاهم ولسه جديد فى الحكايه ومش عايز ابزظ المكنه ولا اقرص على الغيارات فارجو الافاده وحد يقولى السرعه على كل غيار ومتشكر جدا

رد: سوال فى عربيه لانوس 2010 مانيوال ارجو الافاده
 

من دليل المستخدم كمية الزيت بتغيير الفلتر 3.75 لتر و ده اللى بعمله من ساعة ما اشتريت العربية لغاية دلوقتى بدون اى مشاكل يعنى بخلى الراجل يسيب فى الجركن ربع لتر
و حكاية تقسيم ال 220 كم /س على الغيارات فدى نكتة رائعة
اولا اللانوس اخرها من الكتالوج 172 كم / س و الواقع اخرها ممكن 180 لـ 190
ثانيا لو عايز توفر بنزين و تطول عمر الماتور فعلا متقرصش على الماتور
يعنى الاول كويس قوى لغاية 20 و الثانى لغاية 40 و الثالث ل 60 و الرابع ل80 او 90 و الخامس للاخر ده كده قيادة متوسطة ده بنفزه عامة
لو عايز قيادة موفرة و عن تجربة بس حتتشل و تشل اللى وراك حيبقى
الاول يدوب ل 10 او 15 و الثانى ل 30 و الثالث ل 50 و الرابع ل 60 بكتيره ل 70 و الخامس من 60 ل 90 و كفاية عشان توفر ده بنفزه فى الطرق الخالية و السفر
لو عايز شد عن تجربه ممكن
الاول ل 40 و التانى ل 80 و التالت ل 110 و الرابع ل 140 و الخامس للاخر ده بنفزه فى الطوارىء
بس كده انتحار مبكر للماتور يعنى متعملهوش غير للضرورة ده غير ان لازم زيت تخليقى مش زيت عادى