بفكر أجيب بولو موديل 95 الى 99 وحابب أعرف معلومات عنها
 

انا ياجماعه معروض عليا أبدل عربيتى الجيب شيروكى بفولكس بولو انا معرفش موديلها لسه لانى لسه مكلمتش صاحبها انا شوفتها فى الجراج والسايس هوا اللى كلمنى بس غالبا هيا الشكل بتاع من 94 الى 99 و صاحبها طالب فيها 44 ألف لو بدلنا غالبا هو هيدفع ليا فرق
ممكن بقى أعرف مميزات العربيه دى وعيوبها
انا عايز عربيه كويسه و مش كل يوم والتانى اروح للصنايعيه والاهم ألاقى صنايعيه بيفهموا فيها وقطع غيارها تكون متوفره لان الجيب شيروكى عقدتنى
وحابب أعرف مميزاتها وهيا كام سى سى وفيها تكيف ولا لا وفيها باور ولا لا ؟

رد: بفكر أجيب بولو موديل 95 الى 99 وحابب أعرف معلومات عنها
 

بص يا باشا اولا هابتدى بالمميزات
1- عربية اقتصادية جدا جدا جدا فى استهلاك البنزين
2- قطع غيارها متوفرة نوعا ما و اسعارها معقولة و الاهم انها معمرة جدا (الاصلية)
3- حجمها الخارجى تحفة ممكن تركنها بالعرض هاها انا كنت باعمل كده
4- مساحتها الداخلية صغيرة نوعا ما و لكنها مريحة
5- ثباتها فظيع على الطريق

ثانيا العيوب
1- الموتور ال 1000 سى سى ضعيف و خصوصا مع التكييف
2- ايام ما كانت معايا لفيت بيها على معظم الميكانيكية اللى بيشتغلو فى الالمانى و لا واحد استريحت معاه
3- مقارنة بالشيروكى هاتحس انها صغيرة اووووووفر

بالنسبة للسعر ان شايف انها غالية جدا على اساس انى جبتها بالسعر ده من 6 سنين (صيف 2006) 1000 سى سى تكييف و باور و فبريكا و تابلوه فى منتهى النضافة و اللى انا اعرفه ان الايام دى سعرها ميعديش ال 40
Good luck

رد: بفكر أجيب بولو موديل 95 الى 99 وحابب أعرف معلومات عنها
 

شكرا ياباشا على الرد والاهتمام
خلاص الموضوع متمش ومحصلش نصيب
على فكره هيا كانت موديل 2001 فما فوق انا كنت غلطان فى الموديل
وشكرا مره تانيه لاهتمام حضرتك