نقل الرخصة من اوسيم
 

السلام عليكم

انا كنت شاري العربية بتوكيلين و الرخصة على مرور اوسيم

دلوقتي معاد التجديد و انا عايز انقلها باسمي على مرور مدينة نصر

ممكن اعرف الخطوات ايه؟ معلش هاتعبكم معايا شويه

رد: نقل الرخصة من اوسيم
 

حتروح مرور اوسيم تجيب شهاده مخالفات للسياره
و لو الرخصه لسه ساريه و النمر بتاعتها هيا نمر بارزه
يبقي تاخد بعضك و تروح علي المرور اللي حترخص فيه
و معاك النمر و شهاده المخالفات و رخصه السياره و عقد بيع السياره و التوكيلات بتاعتها كلها
لحد اول توكيل من صاحب العربيه الرئيسي للبايع الاول يعني كل التوكيلات.
و تروح المرور تجيب نموذج فحص و تفحص لنقل الملكيه و تسلم النمر في المرور و تستني لحد
ما تستلم رخصتك الجديده و الف مبروك:).
لو كانت الرخصه منتهيه او نمر السياره معموله بالايد اللي هيا الصاج
حتحتاج تجيب شهاده بيانات للعربيه من المرور التابع ليها كمان
و ممكن في وقتها تسلم النمر هناك في المرور بتاع العربيه و تاخد ورق يفيد كده
و تطلع علي مرورك ترخص علي طول
و الف مبروك:)

رد: نقل الرخصة من اوسيم
 

لك جزيل الشكر

بس هاستغلك في كام سؤال كده:

- انا اشتريت العربية و معايا توكيلات بس من غير عقد بيع السيارة اللي حضرتك قولت عليه

- نهاية التصريح المفروض خلصت خلاص من كام يوم (مع العلم انه تصريح مؤقت)

هل ده يغير من الامر شئ؟

والموال ده يخدله كام كده لو العربيه 1300CC موديل 94 ?

و حاجه كمان بالمره: هي اوسيم بيروحلها ازاي؟؟

الشكر مقدما

رد: نقل الرخصة من اوسيم
 

لازم يكون معاك عقد بيع ابتدائي من البايع ليك و بيبقي من صورتين
صوره ليك و صوره له امال انت اخدت العربيه علي اي اساس؟؟
كده يبقي حتضطر انك تجيب شهاده بيانات من مرور اوسيم +شهاده المخالفات
و ممكن تسلم نمر العربيه هناك و حياخدوا التصريح و تيجي المرور بتاعك تفحص
و تدفع الضريبه و تستلم النمر الجديده.
مش عارف بالضبط بس نقل الملكيه في حدود 350 او 400 لو عربيه مستورده مش تجميع محلي
و الضريبه في حدود 150 جنيه و تامين اجباري ب 80 جنيه
يعني قول حتخش في حدود 650جنيه او حاجه زي كده
لا دي ما اعرفهاش:)

رد: نقل الرخصة من اوسيم
 

ربنا يقويك على هذا المرور اللى كل نفس فيه بفلوس بس خلى بالك ان فيه نصابين وبلطجيه يستقبلوك بره المرورعلشان يخلصولك الورق وده بالتنسيق مع الساده الضباط والساده الامناء وحتى النيابه.....وربنا يخليلنا مصرptmnlo123per144