استفسار عن ال504
 

يا جماعه انا نفسى اعرف هو عيب ولا حرام

لما تكون العربيه رشه دواخل وخصوصاً عربيه زى دى بقالها اكتر من 30 سنه ع الارض

جبت عربيه من اسبوع ونص وبصراحه يعنى وقعهالى واحد كهربائى ومن يومه مولود فى ال504 وقولت اكيد فاهم يعنى ومش هودى العربيه لمكانيكى يشوفها

جه ابويا خدنى وروحنا لخالى سواق قديم وفاهم بردو

لقيته بيقولى العربيه رشه جوه ومتستاهلش الفلوس اللى اتدفعت فيها رغم العلم انا جبتها ب 28 ألف ونص

الزن اشتغل بقا على دماغ ابويا انو لازم يرجعها وانا بصراحه مش عاوزها ترجع

العربيه كشكل خارجى جامده جداً ومجنطه جنوط مشوفتهاش قبل كده فى ال504

ومكنتها الله اكبر بتجيب معايا سرعات متوقعتش انى ممكن اجيبها بيها دا غير الثبات

فياريت من الخبراء اللى فى المنتدى يقولولى اعمل ايه اوافق على انها ترجع ولا ارجع ابويا عن اللى فى دماغو

العربيه موديل 79 gl

والرخصه فيها 8 شهور غير انها من نفس البلد اللى انا فيها يعنى مش هلف وراها

واللون سماوى

وشكراً جداً

رد: استفسار عن ال504
 

كان معانا بيجو 78 ومارشتش دواخل وهي كلها كانت بحالة الفابريكه لاني كنت ثاني يد عليها ومعانا بقالها 20 سنه

بصراحه البيجو عربيه فوق الممتازه :THUMB_~112: لكن تعالي نتكلم بالعقل :fun_Meting:

لما فيه عربيه موديل اقدم منها ولسه بحالتها يعني ما رشتش يبقي عربيتك ايه اللي خلاها رشت !!!!!!!!!!:w6w20050411223 6376d

اكيد يبقي اتعمل بها لحام نتيجة حادثه وحادثه جامده عشان يداري اللحامات والتقطيع اللي حصل :3_8_14:

طب وده يأثر في ايه اكيد في قوة تحمل جسم العربيه كعمر تشغيل او في حادث لا قدر الله 4BY4

وطبعا فيه حاجات تانيه كتيييييييير بتتأثر وهتظهر مع الوقت هتضايقك :010105~332: بس دي اهم حاجه

واسف علي الاطاله ومن رأيي انك ترجعها وتدور تاني اكيد هتلاقي وربنا يوفقك :THUMBS~220:

رد: استفسار عن ال504
 

بس فى حاجه

انا بقالى 3 شهور بدور على عربيه زى دى

وفى عندى سؤال صغير العربيه لسه طالعه من الفرن

هوه الفرن بينزل الدهان بره وجو ه ولا بره بس

ممكن تكون اتدهنت جوه مع اللى برا يعنى

ومش شرط تكون رشت علشان تدارى لحامات

مش ممكن تكون رشت نظافه يعنى

وشكراً جداً للمتابعه

رد: استفسار عن ال504
 

انا مش شايف ان عربيه تكون بقالها فوق ال 30 سنه ماشيه وعاوزه ما ترشش دواخل ازاااي ؟؟فيه عوامل كتير ممكن تخليها ترش دواخل غير الحوادث ممكن البرومه مثلا وخصوصا ان دي عربيه عمرها 33 سنه يعني مش زيرو عشان نتكلم علي دواخل

بص نصيحه ارفع العربيه دي ف بنزينه وما دامت مش مغيره نص امامي او خلفي يبقي تخليها غير كده رجعها وما دمت شايف ان العربيه ثابته كويس ع الطريق وما بتحدفش ع السرعات العاليه يبقي خليها

اي كلام غير كده يبقي كلام نظري مالوش علاقه بالعمليه اطلاقا وازا كانت فيه عربيه زيها ما رشتش دواخل يبقي العربيه اللي ما رشتش دي هي اللي لقطه قووووووي مش عربيك اللي وحشه وعلي فكره انت لو دورت علي 504 مش رشه دواخل ممكن تقعد تدور لحد اخر 2015

وما تنساش صلاه الاستخاره

رد: استفسار عن ال504
 

ان شاء الله انا فعلاً كشفت ع العربيه العربيه مفيهاش ولا شرخ واحد فى العفشه وكلها حته واحده

والموتور شرحه (بمعنى رقم الموتور هو رقم الشاسيه هو رقم الكرتيره )

يعنى لو مغيره حاجه هتلاقى الارقام دى اتغيرت

وشكراً جداً للمتابعه