استفسار هام جدا جدا جدا لل 131
 

كنت عاوز اعرف ازاى ان الكرونة اتحرقت ...... انا كنت لسة شارى العربية جديد وكانت دى اول مرة اجيب عربية عشان اتعلم عليها وكدة فنسيت اغير زيت الكرونة والفتيس لفترة كبيرة حتى الراجل وهو بيغير الزيت قالى انت ازاى كنت ماشى بيها كدة فواحد قريبى قالى ادام مغيرتش الزيت اعتبر ان الكرونة اتحرقت ...... فكنت عاوز اتأكد ازاى انها اتحرقت وتكلفتها فى حدود كام ....... وفى كمان مشكلة فى صوت تزييق جامد من ناحية الشمال وخصوصا لما اخد مطب فهل كدة انا محتاج اغير مساعد ولا اية ..... معلش استحملونى اخر حاجة ان البطارية الصبح بتدوخنى عشان تدور مع العلم انى مش بخرج بالعربية كتير يعنى بسيبها باليومين والتلاتة بس بدور البطارية من غير ما امشى بيها فممكن اعرف حل للمشاكل دية ,,,, وبجد اسف للاطالة وفى انتظار الردود

رد: استفسار هام جدا جدا جدا لل 131
 

يارب متكونش حصلها حاجة لأن الكارونة تمنها يعدى الألف جنيه
ونتا معدى على البنزينة إملاها هى و الفتيس زيت فالفلين 140 مش أقل من كده(زيت تروس تقيل ) وشوف النتيجة
اما بالنسبة للتزييق تكشف على العفشة ممكن تلاقى عاوزة جلبة ميزان أو بيضة المقص مبوشة او التيش وده أمره سهل
وبرضو المساعد لو عملها ممكن تجيب جوز جداد أو تجيب واحد بس دلوقتى على ماتفرج
بالنسبة لموضوع البطارية لو هيا نص عمر و العربية مش مظبوطة انها تدور على الشعرة ممكن تغلبك
حاول الصبح لما تدور العربية تخليها واقفة فى مكان شمس عشان تدور معاك أسهل لأن البرد بيخلى البطارية متجمعش بسرعة وكذلك الإسبراتير
ولو عاوز أى حاجة فى البولونيز أو ال131 انا ممكن بعون الله وفضله إنى أساعدك لو تحب
تقبل مرورى

رد: استفسار هام جدا جدا جدا لل 131
 

بجد شكرا جدا لاهتمام حضرتك طيب الجبل والمقص ده يتكلف كام وكنت بفكر اضبط البودى بتاع العربية زى العربية اللى عندك فى شريط مصر موتورز لو حاجة زى كدة برضة تعملها كام

رد: استفسار هام جدا جدا جدا لل 131
 

اقتباس:

المشاركة الأصلية كتبت بواسطة moustafa.peace (المشاركة 635759) بجد شكرا جدا لاهتمام حضرتك طيب الجبل والمقص ده يتكلف كام وكنت بفكر اضبط البودى بتاع العربية زى العربية اللى عندك فى شريط مصر موتورز لو حاجة زى كدة برضة تعملها كام

جلبة المقص ب 10 جنيه
وفك وتركيب العفشة قدام 60
وكاوتش علبة الدركسيون 15
علبة شحم 15
العملية مش هتتكلف كتير
اما بالنسبة للبودى كيت اللى على العربية دى لما بتدخا العربية سمكرة بتوديها لبتاع الفيبر وتديله الصورة دى وهو يعمل بودى كيت زيها
وبعدين بتاع الدوكو بيمعجن تمام ويلقط ويظبط
وبعدين تترش فيلر وتتساب كام يوم لحد ما تشد وبعدين ترشها اللون اللى انت عاوزه
الموضوع بسيط جدا بس محتاج واحد كويس بتاع فيبر وصنايعى دوكو متمكن
عشان أى إفتكاسة من واحد منهم هيخلى العربية أفلحكش
وتكره حياتك لما تركبها
آسف للإطالة وتقبل مرورى

رد: استفسار هام جدا جدا جدا لل 131
 

تمام جدا طيب الموضوع دة كلة يعملة كام بالمصناعية ( موضوع البودى ) اسف بجد لاسئلتى الكثيرة واطالتى