مصر موتورز مجتمع السيارات

عارفين ليه البطاطس المحمرة هى الاكلة الوحيدة التى اجتمع الناس كلهم علي حبها ؟؟؟؟!!!!!!!!!!!!!!!!

.
.
.
... .
.

1- البطاطس المحمرة لما بتتغلي في الزيت بتبقي عادة مقرمشة من بره وطرية من جوه.
-عشان كدة لما حد يعمل معاك موقف سخن اوي ماتعملهوش وحش اوي .. ايوه حاسسه انك زعلان منه و خد موقف بس خلي قلبك ابيض وطري "طيب يعنى" مش ناشف وسامح عشان ربنا بيسامح.

2-البطاطس المحمرة تلاقيها عند ماكدونالدز ( فرينش فرايس) وبرضه تلاقيها عند بتاع الفول والطعميه
يعني انت كمان خليك زى البطاطساية ماتتكبرش علي حد وصاحب كل الناس غنى او فقير.

3-البطاطس المحمرة بتتقدم مع حاجات كتير: مايونيز، كاتشب، صلصة وطحينة بس بتفضل في الاخر اسمها بطااااطس.
-يعني مهما اتعرضت لثقافات و بيئات مختلفة احتفظ دايماً بشخصيتك المستقلة و طريقة تربيتك وخلى الناس هى اللي تتأثر بيك.

4-البطاطس برضه ممكن تبقي شيبسي وهى أول حاجة بنفكر فيها لما بنحس بالجوع واحنا بره البيت.
- ساعد الناس دايماً وخليك أول واحد ييجي علي بالهم لما يقعوا في مشكلة خليك جدع زي "الشيبسي".

5-البطاطس المحمرة لواتهرست بتبقي برضه طعمها حلو وممكن نسميها "بطاطس بوريه".
-مهما الدنيا تهرس و تبهدل فيك خليك شخص كويس ولذيذ وطلع للدنيا لسانك و قول "أنا بطاطساية بوريه".

عشان تبقي محبوب من كل الناس :

خليك بطاطس