ممكن مساعده بخصوص كيا برايد
 

معروض عليا كيا برايد 2001 اتوماتيك
اولا بيقولى ماتورها 1500 cc ومش متغير وانه ماتورها الاصلى علما انى لسه مبصتش فى الرخصه واللى اعرفه ان العربيه ديه 1300
ثانيا ده معرض جنبنا والعربيه فيها 3 توكيلات ايه الاجرائات اللى اعملها علشان اضمن العربيه وهل 3 توكيلات مقلقه ام لا
ثالثا البربيز ( الزجاج الامامى ) مشروخ عايز اعرف بيتكلف كام
العربيه معروضه ب 35 الف قابل للتفاوض والحاله كويسه جميع الكماليات هل السعر انزله لحد رنج كام وطبعا انا هرخص باسمى عايز اعرف هيكلفنى كام الموضوع ده ولسه هغير الزجاج الامامى ( البربيز )

رد: ممكن مساعده بخصوص كيا برايد
 

رجاء ابتعد عن الاوتوماتك المستعمل MADخصوصا من زمن
دايمن فاتح بوئو

رد: ممكن مساعده بخصوص كيا برايد
 

اول حاجة انا اول مرة اعرف انها بتنزل بموتور 1500CC اعتقد انها معلومة مش صح
ثانيا 3 توكيلات فعلا مقلقة علشان انا لما جيت اشترى عربيتى كان فيها توكيلين ولما جيت اعمل توكيل تالت المرور رفض وقالولى لازم تنقل ملكية علشين ماينفعش اكتر من توكيلين
ثالثا الزجاج الامامى اعتقد انه مش هايزيد عن 250 جنية
رابعا بقى وده الاهم السعر غالى جدا جدا على عربية برايد اتوماتيك لان سحبها مش حلو عموما والمانيول افضل فى السحب واغلى منها وفية واحد صاحبى شارى واحدة اوتوماتيك من حوالى سنة ونص ب 27 الف تقريبا مع العلم بانى اشتريت سيدان مانيوال من 3 سنين ب34 الف كاملة وكانت عاملة 80 الف كيلو والاسعار دلوقتى اقل طبعا
انصحك انك تسيبك من العربية دى وتدور على كونتكت كار احسن هتلاقى حاجات كويسة من غير مايبقى فى تجار فى النص وانا اشتريت كدا فعلا