سيارتى بتنتش
 

السلام عليكم
عندى مشكله كبيره مفيش اة ميكانيكى لاقى ليها اى حل
انا عندى سياره سكودا فليشيا كومبى موديل 96 فجاه لقيت السياره بتنتش وتترج وهى ماشيه على كل الغيارات وديتها للميكانيكى نظف الكاربيراتير وغير البوجيهات وكمان غير الاسبيراتير لكن ما لقيتش الا الاسبيراتير الصينى المهم بعد كل ده مشيت لفتره كويسه وكانت بتنتش قليل وبعد فتره رجعت مشكلة التنتيش اكتر من الاول راح عامل كل الحاجات اللى عملها قبل كدة لكن رجع الاسبيراتير القديم لكن العيب ظل كما هو والتنتيش زاد اكتر من الاول
مفيش حد مر بالتجربه دى قبل كده ووجد حل لها ممكن يدلنى عليه او حد ميكلنيكى خبره كبيره يقدر يحل لى المشكله دى
ارجوكم منتظر ردكم بسرعه وبفارغ الصبر عشان انا زهقت من المشكله دى وعايز واحد ابن حلال يخلصنى من المشكله الصعبه دى
وشكرا لكم مقدما

رد: سيارتى بتنتش
 

طيب مفيش اسبراتير استعمال خارج تجرب بيه ؟
لان من وصف المشكلة كده ان الموضوع منحصر فى الاسبراتير بدليل ان الصينى جاب نتيجة شوية

رد: سيارتى بتنتش
 

انا ركبت الإسبراتير بتاع البيجو ال504 الأصلى العادة على الفيليشيا وماشية زى الفل مع جارى هنا:GROWIN~12:
إسأل فى الموضوع ده وربنا يسهل

رد: سيارتى بتنتش
 

حاول مبدئيا

تغير كابلات البوجيهات

وتجرب بوبينا تانيه غير بتاعتك الحاليه

---------------

وياريت توضح برضه

هل جربت تدور وأنت فاتح الكبوت

وتروح مزود بنزين بمجرد الدواره ( قبل ما المكنه تسخن )

وتشوف فيه بقلله فى الردياتير أو القربه عندك ولا لا