أستفسار بخصوص فتيس غرز الجيمنى!!
 

كان لى استفسار بخصوص فتيس العرز فى الجيمنى!! لانى ملاحظ ان فى موديلات 2008 والجديدة مفيهاش فتيس غرز .
سمعت ان فية زرار فى التبلوة بيستخدم كبديل لفتيس الغرز,ياترى الكلام دة صحيح؟؟؟
واية الفرق فى الاداء ما بين فتيس الغرز والزرار اللى فى التبلوة؟؟ هل فية فرق خصوص فى ال offrode
وشاكر ليكو مقدما

رد: أستفسار بخصوص فتيس غرز الجيمنى!!
 

فين الردود يا شباب

رد: أستفسار بخصوص فتيس غرز الجيمنى!!
 

السلام عليكم يا باشا.
بالنسبة للجيمنى لا أعرف بالضبط لكن أنا عندى تيريوس 2002 أوتو و نفس النظام بمعنى انها جر رباعى طول الوقت و يوجد زرار فى التابلوه للغرز لما تدوس عليه يغير نسب السحب الى عزم أكبر للمحور الخلفى للعجل لدفع السيارة و خروجها من الغرز. النظام القديم بتاع فتيس العرز المقصود بيه ان السيارة أصلا دفع ثنائى و لما تشغل الفتيس بتاع الغرز تتحول الى دفع رباعى و لا يوجد زرار لتغيير النسب بين المحورين و بكدة تبقى سيارتك الجيمنى غالبا دفع رباعى طول الوقت.
بالمناسبة أنا عاجببانى قوى الجيمنى ايه أخبارها و قطع غيارها و أسعاره و توافرها و التكييف و الثبات و أى معلومات عنها أنا كنت بدور عليها و لم أعثر على أي واحدة للبيع
شكرا و أرجو أن أكون أفدتك:12EA7A~153:

رد: أستفسار بخصوص فتيس غرز الجيمنى!!
 

اشكرك على المعلومة
ثانيا الجيمنى عربية اكثر من ممتاذة وخصوصا فى الاوف رود..بس انا جربت المانيول اللى فيها فتيس الغرز تنافس اللاند كروزر على الرملة وخصوصا فى الغروود الصعبة بدون ادنى مبالغة
وانا حاليا بدور على واحدة حديثة من موديل 2008 وانت طالع واكتشفت ان كلهم من غير فتيس غرز عبارة عن 3 زراير فى التبلوة جر ثنائى و غرز خفيف وغرز ثقيل
وبلنسبة لقطع الغيار هية متوفرة بس مش رخيصة وبرضو مش غالية
فية واحدة معروضة حاليا فى كونتاكت موديل 2008 بس عدادها عالى جدا 120 الف وصرفت نظر عنها

رد: أستفسار بخصوص فتيس غرز الجيمنى!!
 

ربنا يوفقك فى واحدة كويسة أنا كنت فى سوق العاشر الجمعة اللى فاتت و لقيت واحدة 2008 جيمنى عاملة 40000 كم على 70000 جنيه و فابريكة بالكامل لونها زيتى و هذا للعلم وشكرا