|
رائيكم فى غطاء العربية الوتربروف ( البلاستيك)
أعزائى
لقد أشتريت غطاء واتر بروف فضى مبطن بوبرة بيضاء. الحقيقة الغطاء جاء كبير قوى على العربية. الغطاء بيغطى عربيات زى التيجو وكيا كارينز، علشان كدة الغطاء جاء كبير على الماتركس اللى طولها 4 متر بس. المهم أنا عايش فى شارع شغال 24 ساعة وبالليل هو المسار لعربيات النقل اللى بتنقل الرمل والأسمنت والحديد بين المحافظات. المهم بعد 4 أيام طبعا لقيت الغطاء أصبح مترب جامد حاولت تنظيفة بالبلور الكهرباء ولكن مش نظف. التراب لازق على الغطاء فمسحت بقماشة الغطاء ونظف شوية. شكل الغطاء مش اصبح مشدود كدة بقى زى ما يكون مكسر وقديم. السؤال الأن هو ما هو العمر الأفتراضى للغطاء الوتر بروف. هل حد ممكن يحكى لنا عن تجاربة مع الغطاء الوتر بروف المبطن بوبرة بيضاء من الخلف. انا حاسس انه مش هيكمل السنة عندى رغم أنه صينى وكنت جايبة بحوالى 150 جنية... منتظر نصائح وتعليقات.. |
رد: XXXغطاء العربية البلاستكXXX
ادعى ربنا انه يكمل معاك الى اخر الصيف اللى جاى
لان اخره 3 شهور وكله يبقى فيه شقوق للاسف |
رد: XXXغطاء العربية البلاستكXXX
الأسمنت السبب حاول تنضفه
|
رد: XXXغطاء العربية البلاستكXXX
هههههههه ده انت كده تمام اوى زى ما بيقول KIMO بالكتير كام شهر فى الظروف ديه
للاسف الوتر بروف دلع بس مش عملى خالص خاصة للى بيركن العربيه فى الشارع الشمس بتعمل تشققات فيه ويحمص ممكن يتغسل وسهل فى غسيله الحقيقة بس كتر الغسيل بيبوظة برضو الكلاب والقطط السارحة فى الشارع لو حد فيهم قرر يطلع فوق العربيه مخالبه بتقطع الغطاء بمنتهى السهولة والخلاصة هو ظريف وخفيف وشيك بس مش عملى خالص فى الشوارع بتاعتنا وممكن تجيب فرش تانى قماش وتحطة فوق الغطاء العادى او بالتبديل وتخلى الوتر بروف فى الشتاء بس لان تاكد ان الشمس هتجيب اجله بسرعة ان ما قامتش الكلاب بالواجب |
رد: رائيكم فى غطاء العربية الوتربروف ( البلاستيك)
الحقيقه
أحسن غطيان معمره ....هى الرخيصه والمصنعه من القماش العادى غسيل ومكوه بمعنى الكلمه |
| الساعة الآن 02:15 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017