|
واما بنعمة ربك فحدث
الحمد لله ربنا انعم على ورزقنى بعربيه لادا 2105 موديل 95
العربيه اول ما اشتريتها مكنش عندى خبره كفايه وانضحك عليا فيها جبتها غاليه شويه وكانت العربيه كل حاجه فيها متلصمه يعنى كل يوم احتاج اصلح فيها وكل يوم وانا راجع من عند الصنايعيه افكر ابيعها وتكون حالتى النفسيه وحشه جدا وكل لما اقابل حد يقولى دى عربيه تعبانه . المهم اخدت الموضوع تحدى وقلت لازم اخليها عربيه ممتازه واعملها على كيفى ودلوقتى الحمد لله العربيه مريحانى جدا وبسافر بيها مسافات طويله والعربيه عمرها ما خذلتنى وبكون سعيد جدا وانا راكبها . المهم اللى عاوز اقوله اوعى تسمع لكلام الناس اللى عاوزين يحطموك ويرجعوك للخلف طالما انك مقتنع بفكره اعملها ومتسمعش لكلام الناس واسف للاطاله............ |
رد: واما بنعمة ربك فحدث
الف مبروك العربيه ياباشا وربنا يباركلك فيها ويبعد عنك اذاها وكلام صح 100 × 100 وياريت نعمل اللى احنا عاوزينه مش اللى الناس عاوزاه تحياتى لك :018A1D~146: |
رد: واما بنعمة ربك فحدث
كلامك مظبوط تسلم ايدك على عرض التجربة والقيمة المهمة اللى وراها وربنا يباركلك فى العربيه يارب ويهبك خيرها ويكفيك شرها
|
رد: واما بنعمة ربك فحدث
كلام صح الصح:018A1D~146: فكرتنى بأول عربية اشتريتها ب6000 جنيه فى2001 كانت 128 مو77 وكانت مركونة سنة و ظبطها تمام و روقتها استعملتها 7 سنين و بعتها ب14000 و كانت اصيلة و عمرها ما وقفت فى الطريق (إلا مرات قليلة) :w6w2005041122473461.
يا ترى اخبارها ايه دلوقتى و هى فين ومع مين ايه ياترى؟؟؟؟ |
رد: واما بنعمة ربك فحدث
هو دة الكلام الصح.مهما كانت العربية غالية و ممتازة ممكن تلاقى حد بيكرهك فيها.المهم قناعتك الشخصية و الرضا الذاتى عن العربية.
|
| الساعة الآن 09:31 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017