السلام عليكم ورحمة الله

بداية المشكلة لما غيرت خرطوم واصل لطلبمة الباور لأنه كان مكسر وكان بينزل زيت على الماتور

فلما غيرت الخرطوم وفضيت زيت الباور طبعاً وغيرته وظبط كل حاجه ظهر صوت لما بلف الدريكسيون يمين أو شمال وبيروح ويجي في ناس بتقولي في هواء دخل في الخراطيم أو في علبة الدريكسيون وهو الي بيعمل الصوت وبالفعل روحنا بحبحنا الخراطيم شوية وشغلنا الموتور ولفينا الدريكسيون يمين وشمال على أمل ان لو فيه هواء يخرج وبالفعل الصوت قل شوية إلا أنه لا يزال موجود وبيروح ويجي والعفشجي بيقولي غير علبة الدريكسيون وبصراحة علبة الدريكسيون ماكنش فيها حاجه خالص قبل ما أغير الخرطوم بتاع طلمبة الباور ومستحرم أغيرها

لو حد يقدر يشخصلي الموضوع بالله عليكم يقولي أعمل ايه

وجزاكم الله خير