مصر موتورز مجتمع السيارات - استفسار عن فيات برافا موديل 2001

مصر موتورز مجتمع السيارات (https://www.masrmotors.com/vb/index.php)

- فيات FIAT (https://www.masrmotors.com/vb/forumdisplay.php?f=22)

- - استفسار عن فيات برافا موديل 2001 (https://www.masrmotors.com/vb/showthread.php?t=81465)

استفسار عن فيات برافا موديل 2001

السلام عليكم ورحمة الله وبركاتة

من فضلكم انا اشتريت عربية فيات برافا موديل 2001 ايطالى وطبعا العربية دى مش معروفة قد كدا بالنسبة لحاجة العفشة موجودة الحمد لله معى ان اسعار قطع غيارها عالية جدا بس ايطالى اصلى وشغل نضيف جدا لكن بقى نيجى للمكنة مالهاش قطع غير فى شمبليون عند الكيلانى كنت رايح اجيب طقم بستم بالشنبر بتاعة واتصدمت من السعر الى عرفتة 1900 جنية وطقم السبيكة 450 جنية طبعا اسعار خيالية ف انا عايز اسال سؤال ينفع اسقط للعربية دى مكنة عربية تانية زى السيينا او الريجاتا او التمبرا مثلا او اى حاجة تانية زى الاونو او التيجو او البونتو او الجولف ياريت الى عندة فكرة يدلنى اعمل اية بجد العربية دى هتخرب بيتى بعد كدا ف ياريت حضرتكم تفيدونى وشكرا واسف على الاطالة

رد: استفسار عن فيات برافا موديل 2001

يعنى يا جماعة 16 واحد يدخل يشوف الموضوع ومافيش ولا رد لية كدا ولا خلاص ماعدش فى حد بيخدم حد احنا بجد فى زمن غريب اوى عموما متشكر لكل واحد دخل شاف الموضوع وخرج زى ما دخل وبقولة دا بس من زوقك

رد: استفسار عن فيات برافا موديل 2001

اولا هو المحرك اللى عندك 1300 ابو منفول فبر زلا 1600 16صباب وعلى السواء المحركين موجدين استيراد عن اولاد الشحات فى عزبه شلبي وقمه 01005573559 و 22514219 واى حاجه للبرفا هتلقيها فى عزبه شلبي وخدلك لفه و هى عربيه ممتازه و سيبك من الكيلانى ابو 1900 و 450

رد: استفسار عن فيات برافا موديل 2001

أنا لسه جايب العربية امبارح 2002 ومعايا تليفونات وعناوين اماكن لبيع قطع غيارها لكن سيبك من الجديد لانهم استغلاليين أنا سألت عند محمد يوسف علي فانوس خلفي قلي 400 جنيه الجنب الواحد وسألت استيراد لقيته 200 جنيه واجدد من الجديد
ويا ريت تعرفني وصلت لايه وربنا يبارك لك فيها
ودا تليفوني 01144862628

رد: استفسار عن فيات برافا موديل 2001

اقتباس:

المشاركة الأصلية كتبت بواسطة Ahmed.hosin (المشاركة 642742)

ياعم متقلقششششش كل حاجة العربيه موجوده عند محلات الابيض فىالحرفيين شارع الدكتور احمد ممدوح انا معايا 2001 وجبت ماتور كامل بالفتيس ب2500 والفانوسين امامى320 والخلفى جبتو من الوكاله ب75ج من عند عادل غزل :طبعا استيراد احسن من الجداد وفيه حاجات بتركب للعربيه مثلا كبالن والديسك والاسطوانه بتاع السيينا وجوان وش السلندر بتاع الاونو ودا عن تجربه والعفشه هى بتاع التمبرا ولو انت مش هتجيب ماتور وهتعمر الميكانيكى هيفكلك البستم وهتنزل التوفيقيه هتلاقى عند ناس كتيير حاجات هتركب عليها وربنا يوفقك والعربيه ممتازه .