مشكلة في التكييف؟
 

السلام عليكم ...
محتاج استشارة من الناس اللي معاها فلوانس
الحمد لله ربنا كرمني وجبت فلوانس 2012 وبعد لما مشيت 1000 كيلو شغلت التكييف بس لاحظت حاجة غريبة وانا بسخن العربية الصبح هي ان في صوت بيشتغل و يفصل تقربياٌ كل 10 ثواني اثناء تشغيل التكييف , كلمت خدمة العملاء كلمني مهندش قالي انه ده الكمبرسور قلتله و ده طبيعي انه يفتح ويفصل كل 10 ثواني , مدنيش اي عقاد نافع وقالي حضرتك تشرفنا,المشكلة اني مشهقدر اروح غير بعد اسبوعين لظروف العمل فارجو من اللي معاه فلوانس يقولي بيحصل معاه كده وهل ده طبيعي ولا في حاجه غلط لاني قلقان؟

رد: مشكلة في التكييف؟
 

طبعا طبيعى جدا ولو التكييف الكمبروسير بتاعة معملش كدة يبقى باظ التكييف كلة واى عربية فى الدنيا لازم تعمل كدة حتى المكيف العادى اللى فى البيوت وهو صوت تكة جامدة تك ويريح وتك يشتغل مسموع بوضوع جدا لو فاتح العربية الكبوت ولو فى الصالون فى مكان هادى جدا وواقف سلانسية اطمن الامر طبيعى جدا والعربية كدة سليمة

رد: مشكلة في التكييف؟
 

طيب معلش يا باشا..الي انا اعرفه انه يباخذ شوية وقت عشان يفصل...مش علي طول كده..يعني عشر ثواني مش بسرعة شوية؟ والف شكرعلي اهتمامك

رد: مشكلة في التكييف؟
 

بس دى بتختلف يعنى عندى بياخد فى الفيرنا 10 ثوانى ممكن اكتر بس بثانيتين او تلاتة يعنى 10 الى 13 ثانية لانى مش هعملها ستوب واتش واحسب على العموم هى المدة بتبقى بالثوانى
بص عشان افهمك اكتر
التكييف بيشتغل على 2 كمثال يقعد يشتغل فترة بيفصل فيها قليل ممكن يقعد حوالى 30 ثانية ويفصل لحد ما يوصل الصالون لدرجة حرارة معينة اللى هى 2 هيقوم فاصل ويستمر بقى على 10 ثوان يفصل ويشتغل وهكذا وبعض االعربيات من اول ما تشغلة الكمبروسير بيفصل ويشتغل بمعدل منتظم من بداية التشغيل برضة بالثوانى وبعض العربيات ومن ضمنها الفيرنا التكييف لما يكون شغال وتقوم على الطريق تدوس بنزين للاخر تلاقى الكمبروسير فصل وميشتغلش الا لما تشيل رجلك او تريح الدواسة عشان بيدى امر للمكنة انى انت عايز سرعة واندفاع وطبعا التكييف بيسحب من قوة الماتور وصدقنى تانى العربية مفهاش اى حاجة خالص طالما التكييف شغال كويس ومش مؤثر على سخونة العربية يبقى تمام ولا تشغل بالك

رد: مشكلة في التكييف؟
 

انا معايا فلونس وعامله 3500 كم لازم تحط فى اعتبارك بعض العوامل ان العربيه مش حتفصل بمعدل منتظم وده حسب حالة الجو هل هو حر او بارد العربيه ماشية كتير والا لسه دايره دلوقتى انت معلى الترموستات والا ايه