مصر موتورز مجتمع السيارات - عايز اطمن لأني زهقت

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - عايز اطمن لأني زهقت (https://www.masrmotors.com/vb/showthread.php?t=81227)

عايز اطمن لأني زهقت

معايا فيرنا 2011 ومن قبل ما اشتريها وانا مش مقتنع بيها بس اشترتها عشان شعبية بس كل ما ابدأ احبها أكرها تاني انا يا جماعة بأعامل العربية احسن ما بأعامل أولادي بس ليها شوية حركات قرعة ..... مثلا النهاردة كنت في أكتر من مشوار وبعدين وقفت لمدة دقيقتين وبعدين جيت ادور العربية ومكنتش مركز الكونتاكت ماأخدش دوروته فما دارتش العربيةقلت عادي جيت أدور تاني ما دارتش العربية دورت تالت ما دارتش رحت محمل شوية على الكونتاكت لحد ما دارت ومعملتهاش تاني فعايز اعرف ده عادي وبيحصل وليه حصل ولا ده استهبال من العربية عشان أكرها اكتر . يا ريت بجد تطمنوني لأنه من ساعتها وانا الهسهس راكبني وبأدور العربية عمال على بطال عشان اشوفها ...

رد: عايز اطمن لأني زهقت

متقلقش يا باشا عادى خالص ده من ايدك يعنى المارش ملحقش ياخد دورته
بس لو اتكررت وغيبت دوارة تانى بصورة متكررة ممكن تكون طرمبة البنزين ابتدت تفلسع بعد الشر وربنا يسترها ان شاء الله .. وتقبل تحياتى:CONGRA~238:

رد: عايز اطمن لأني زهقت

اقتباس:

ومن قبل ما اشتريها وانا مش مقتنع بيها بس اشترتها عشان شعبية بس كل ما ابدأ احبها أكرها تاني

حب العربيه عشان تحبك بجد
طول منت في حاجز بينك وبين العربيه وواقفلها علي غلطه طول مهي حتعمل معاك كده لو انت كنت حابب العربيه كان حيبقي الموضوع بالنسبالك اكنها اخدت دور برد كده تلاقيك بس استعجلت في دوارتها لو عملتها معاك افتح الكونتاك 3 ثواني من غير متدور واقف وافتح تاني 3 ثواني ودور وحتلاقيها دارت باذن الله:010104~171:

رد: عايز اطمن لأني زهقت

لما دورت اول مرة و الكونتاكت مخدش حقه العربية شرقت
عشان كده غلبتك شوية ما عقبال ما طردت البنزين الزيادة
مش حتحصل تانى ان شاء الله

رد: عايز اطمن لأني زهقت

اقتباس:

المشاركة الأصلية كتبت بواسطة احمد على 1999 (المشاركة 628334)

ياسلام عليك ياباشمهندس احمد . حقيقى كل مالاقى حضرتك فى موضوع لازم ادخل واستمتع بمداخلاتك للاستفاده ربنا يبارك فيك