مصر موتورز مجتمع السيارات - عندى شوية اسئلة بخصوص لادا 2107 يارييت تطمنونى

مصر موتورز مجتمع السيارات (https://www.masrmotors.com/vb/index.php)

- لادا LADA (https://www.masrmotors.com/vb/forumdisplay.php?f=120)

- - عندى شوية اسئلة بخصوص لادا 2107 يارييت تطمنونى (https://www.masrmotors.com/vb/showthread.php?t=81220)

عندى شوية اسئلة بخصوص لادا 2107 يارييت تطمنونى

هى العربية ال لادا 2107 طبعاً المصرى لان مفيش الروسى ولو حد يعرف الروسى فين يقولى موديل 2011 او 2012

هل فيها عيوب كتير زى ما بيقولوا يعنى قريت فى منتدى تانى واحد بيقول جابها وغير كرونة ومش عارف ديسك واسطوانة5 مرات وطقم بيض 3 مرات وحاجات غريبة كدة مش عارف اية صحة كلامه

يارييت اية هى اهم عيوبها واهم مميزتها ؟؟
وتنفع فى السفر الكتير ولا لا لانى اغلب المشى بالعربية بسافر بيها ؟؟

واجيبها فيها باور وتكييف ولا لا

وهل الباور فيها بيفصل ولا لا ؟؟

ويارييت لو حد يعرف سعرها ؟؟

وبحد شكرا جدا ليكم جميعا وشكرا للمنتدى الرائع ده

رد: عندى شوية اسئلة بخصوص لادا 2107 يارييت تطمنونى

اقتباس:

المشاركة الأصلية كتبت بواسطة jojajo (المشاركة 628101)

هى العربية ال لادا 2107 طبعاً المصرى لان مفيش الروسى ولو حد يعرف الروسى فين يقولى موديل 2011 او 2012
الروسى موجود وهو تقفيل تركى منذ 1995 ويباع فى شركة الامل ولدى الوكلاء وتقفيلة احسن كتير من المصرى وفرق السعر يؤكد ذلك
هل فيها عيوب كتير زى ما بيقولوا يعنى قريت فى منتدى تانى واحد بيقول جابها وغير كرونة ومش عارف ديسك واسطوانة5 مرات وطقم بيض 3 مرات وحاجات غريبة كدة مش عارف اية صحة كلامه
كل ما يحدث (وهذا فقط للتاكسى ) هو تغيير الاسطوانة لأن الاسطوانة الروسى تقيلة شوية ، ولكن يصعب تواجد هذة المشكلة فى الملاكى وهتتغير فى ميعاد استهلاكها العادى وحسب الاستعمال ممكن تقعد خمس سنين ولما تغيرها تجيبها كورى
يارييت اية هى اهم عيوبها واهم مميزتها ؟؟
وتنفع فى السفر الكتير ولا لا لانى اغلب المشى بالعربية بسافر بيها ؟؟
عيوبها ثقل الدركسيون وضيق المحاوروالحل المثالى هو تركيب علبة دركسيون خمس بليات استيراد بتبقة احسن من البورواجيبها فيها باور وتكييف ولا لا
التكييف فيها ممتاز مع الموتور ال 1600وهل الباور فيها بيفصل ولا لا ؟؟
لا أفضل البور اطلاقاً لأن العربية ثقيلة ومرونة الدركسيون اكثر من الازم مخاطرة كبرى على السرعات العالية والافضل كما قلت لحضرتك علبة دركسيون خمس بليات (بتاعة النيفا)
ويارييت لو حد يعرف سعرها ؟؟
الروسى فاضية من 50 الى 52 الف وتزيد مع الكماليات لغاية 55000
وبحد شكرا جدا ليكم جميعا وشكرا للمنتدى الرائع ده

وأخيراً لا انصحك بشرائها جديدة لأن سعرها يقترب من سعر الفيرنا والموديلات المتطورة لكن تشترى موديل 2007 كربراتير لن يتعدى سعرها فى احسن احوالها 33000

رد: عندى شوية اسئلة بخصوص لادا 2107 يارييت تطمنونى

بالنسبة لموديلات 2011 معرفش بصراحة لكن العربية لا غبار عليها من حيث الاعتمادية.......دة الناس بتتغاضى عن عيوبها المعروفى فى مقابل انهم بيخدو منها اعتمادية وتحمل ظروف العمل القاسية .......العربية دى مع واحد صحبى مو2007 لسة مغير البيض الشهر اللى فات
بالنسبة للباور لا انصح بية لانة مش بيفصل
بالنسبة للسفر بجد العربية دى بتحب السفر ........كانت معايا وما اشتكتش منها خالص قوة ومتانة وسحب على فكرة فعلا عربية مجنونة سحب لانها دفع خلفى
زيد بقى على الكلام دة رخص قطع غيارها بشكل غريب
موتور بـ 1500 جنية مساعدين امامى 115 خلفى 150 كارونا 400 سوست خلفى وامامى 60 جنية مثلا .......كل حاجتها رخيصة عدا الفتيس غالى حبتين

رد: عندى شوية اسئلة بخصوص لادا 2107 يارييت تطمنونى

انا متشكر جدا جدا جدا بجد يا جماعة
بس يارييت لو اقدر اعرف معلومات اكتر من حضرتك يعنى مثلا بالنسبة للصاج بتاعها هل فيه اختلاف عن الصاج الروسى ولا لا ؟؟؟

هل العربية بتسخن فى الصيف ولا لا ؟؟
هل لازم ان انا اغير الريداتير بتاعها ولا لا ؟؟

رد: عندى شوية اسئلة بخصوص لادا 2107 يارييت تطمنونى

وعندى سؤال بخصوص الباور هل هو بيفصل ولا لا لانه لو مش بيفصل يبقى خطر جدا لان اغلب المشى بتاعى على الطرق السريعة
وبالنسبة للتكيف هل هو كويس ولا ملهوش لازمة ؟؟؟