|
الساده خبراء اللانوس بعد التحيه
سأستلم اليوم سياره شيفروليه لانوس 2012 زيرو فهل من الممكن ان تفيدوني بخبرتكم عن مايسلم مع العربيه غير الاستبن والكوريك وملف العجل ؟؟؟؟؟؟؟؟؟؟؟ ولكم وافر التحيه ويسعدني ويشرفني انضمامي اليكم يارجال ال :CONGRA~238::CONGRA~238:: CONGRA~238:لانوس
|
رد: الساده خبراء اللانوس بعد التحيه
السلام عليكم
اهلا و سهلا بيك وسط اخواتك و مبروك على العربية و ان شاء الله ربنا يكفيك شرها و يرزقك خيرها بالنسبة لسؤال حضرتك فالاجابة سهلة هتقولي ازاي هقول لحضرتك..انسى خالص انها زيرو انسى تخيل انك قدام عربية مستعملة و تفلليها بمعنى الكلمة دورها كذا مرة..شوف ال RPM شغل الانوار كلها كذا مرة شغل التكييف على كل الدرجات كذا مرة المساحات نور الاشارات الغمازات الزجاج الكهرباء كذا مرة اتاكد من مستوى السوائل( زيت موتور..زيت فرامل..زيت باور..وهكذا) اتاكد من ان كل سماعة بتشتغل و قرب منها عشان تسمع صوتها الاريال الكهرباء الكوريك الاستبن الطفاية مفتاح العجل انزل تحت العربية وبص بعينك بسرع لو فيه حاجة غريبة صدقنى انا مش ببالغ والله..بس واحد قابلته قبل كدع المفروض انه شاري عربية زيرو.. المفاجاه طلعت مغيرة نص كامل و لو لقيت حاجة غريبة او مش مريحاك او حاجة مش سليمة خللي المعرض يجيب لك واحدة تانية بدون انتظار اتوكيل و حباله الطويلة انت هتدفع فلوس شقيان فيها مش ورق جوافة و قبل طبعا اي حاجة و قبل ما تنزل صلي لله ركعتين بنية قضاء الحاجة و لو ربنا وفقك و خلصت قبل ما تركب فيها خاص قول الدعاء اللهم اني اسالك خيرها و خير ما جبلت عليه و اعوذ بك من شرها و شر ما جبلت عليه و ايه الكرسي و سورة الاخلاص و العوذتين و توكل على الله ولو فيه اي استفسار او سؤال احنا كلنا موجودين..واهو ادينا بنساعد بعض بنيه من كان في قضاء حاجة اخيه.. و ربنا يوفقك |
رد: الساده خبراء اللانوس بعد التحيه
اقتباس:
|
رد: الساده خبراء اللانوس بعد التحيه
اقتباس:
والف مبروك للاخ على السيارة وربنا ياتيك خيرها ويكفيك شرها وفعلا اضمن على السيارة كويس جدا لان كلام الاستاذ صح ان شفت اكثر من مرة سيارات زيرو وبتترش وتتصلح واخرها امبارح كانت اوكتافيا بالورق الابيض وبرشو فيها بعض الاجزاء وبحب افكرك 1-بص على طاسات العجل لان معظم المعارض بتكون عيناها 2- كتيب الضمان والخاص بصيانات السيارة 3- الكتالوجات الخاصة بالسيارة 4- فاتورة الشراء والمذكور فيها بينات السيارة من رقم الساشيه والماتور واسم المالك ( اسم سيادتك ) وموديل السيارة وبالتوفيق ان شاء الله |
رد: الساده خبراء اللانوس بعد التحيه
بعد كل هذا اوعى تنسى كتاب الضمان وكتاب الصيانه
|
| الساعة الآن 06:09 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017