عربيتى الفيرنا اتخبطت وهى لسه جديده بقالها شهرين بس عايز اعرف فانوس امامى واكصدام بكام
 

السلام عليكم النهارده عربيتى الفيرنا اتوماتيك 2012 بقالها شهرين بس اتخبطت النهارده واحد فجاه وقف قدامى وملحقتش افرمل والكلام ده على الدائرى بس الحمد لله كان حصل فى الزحمه اللى كانت العربيات ماشيه بسرعه الى حد ما قليله اللى باظ عندى فانوس امامى واكصدام اتشرخ بس لسه ماسك فى مكانه مدلل بس لتحت والشرخ واصل من عند الحته بتاعت الفانوس كده لحد الفوجات تحت

كنت عايز اعرف الفانوس الاصلى بكام والاستراد بكام وايه احسن حته اجيبها منها

وبالنسبه للاكصدام بكام برده والاصلى بكام والصينى بكام واصلحه فايبر ويمشى شويه بيه ولا اغيره وندخل فى رش ودكو

مستنى ردودكم ارجوكم ردوا عليا انا بستعين بيكم زى ما دخلت على المنتدى ده واستعنت لحد ما استقريت على الفيرنا والفضل يرجع للقسم ده

رد: عربيتى الفيرنا اتخبطت وهى لسه جديده بقالها شهرين بس عايز اعرف فانوس امامى واكصدام بكام
 

معلش قدر الله وماشاء فعل وحمد الله على سلامتك
الفانوس جديد اصلى بيعمل 600 جنيه عند الموزع المعتمد وممكن تمشى حالك بواحد صينى بيعمل 100 جنيه وعن تجربة انا مركبه عندى بس خلفى وما شاء الله بقاله 3 شهور ما شاء الله ومغيرش لونه الاستيراد ممكن يعمل من 200-250 جنيه انت وشطارتك فى الفصال بس تتأكد انه استيراد اصلى مش صينى خلع
بالنسبة للاكصدام جيب واحد جديد او استيراد ورشه امرك لله احسن من التصليح لانه مش هيستحمل والجديد بيعمل 150جنيه الصينى والاستيراد بيعمل 250 جنيه والاسعار بتختلف من واحد للتانى بس ده الرينج بتاعهم:CHUBBY~36:

رد: عربيتى الفيرنا اتخبطت وهى لسه جديده بقالها شهرين بس عايز اعرف فانوس امامى واكصدام بكام
 

وبالنسبة لاماكن الاستيراد عندك الحرفيين افضل حاجة كل حاجة هتلاقيها هناك والجديد الاصلى فى واحد فى الدقى قبل مطلع الكوبرى وانت جاى من الجيزة والصينى عليك وعلى التوفيقية او ش دمشق بمصر الجديدة

رد: عربيتى الفيرنا اتخبطت وهى لسه جديده بقالها شهرين بس عايز اعرف فانوس امامى واكصدام بكام
 

خللى السمكرى يبصلك علىا لشاسيه ليكون ناله من الحظ جانب

رد: عربيتى الفيرنا اتخبطت وهى لسه جديده بقالها شهرين بس عايز اعرف فانوس امامى واكصدام بكام
 

عين وصابتها معلش محدش بيسيب حد في حاله
والحمد لله انها جت علي اد كده
ربنا يباركلك فيها عربيتك محترمه والله بس خلي بالك علي نفسك
وياريت تقرير عن الاوتو بقي بما انك من ملاكها بقالك شهرين :):12EA7A~153: