انا بجد جيبت اخرى واحترت جدا
 

اخوانى فى المنتدى ارجو منكم المساعدة لاختيار سيارة مناسبة انا متاح ليا عرض انى اقسط عربية لحد 115000 عن طريق الشركة اللى انا بشتغل فيها اخوكم مهندس فى شركة النيل للبترول , انا محتار بين 3 عربيات
1- لانسر بومة سواء 2011 او 2012 .
2- نيسان تيدا سيدان .
3- كيا سول .
انا طبيعة استخدامى فيها سفر كتير فاكيد ده محتاج عربية ثابتة على الطرق وفى السرعات العالية بجانب طبعا استهلاك البنزين وقطع الغيار عامة انا سايبلكم الحكم بجانب طبعا لو فيه حد عنده اختيار تانى يقولى ومنكم نستفيد ارجو الاهتمام لانى حاليا انا من غير عربية بسبب حادثة عملتها بعربيتى اللانوس وشقتى مش بتوصلها مواصلات فيا ريت عدم التاخر عليا فى الرد
شكرا ليكم جدا واسف جدا على الاطالة

رد: انا بجد جيبت اخرى واحترت جدا
 

انا عندى لانسر بومة .... عربية كويسة مش حتندم انك اشتريتها بس الاوبشنز فيها قليلة شوية .... انا معرفش حاجة عن السول او عن التيدا

رد: انا بجد جيبت اخرى واحترت جدا
 

التيدا هتكون افضلهم من رأيى. توكيل كويس وواسعة من جوة جداً

رد: انا بجد جيبت اخرى واحترت جدا
 

أفضل عربية طبعا التيدا بس أسمع ان قطع الغيار غالية حبتين أنا من وجهة نظرى أرشحلك الكيا ريو الجديدة أو RB بجد العربيتين كويسين جدا فى كل حاجة قطع الغيار , توكيل هااااه شوية محترم , ثباااااااااات , إستهلاك بنزين قليل جدا وليك الإختيار فى الأخر

رد: انا بجد جيبت اخرى واحترت جدا
 

ايه يا جماعة انتوا زعلانين مني ولا مخنوقين ولا بخلانين عليا بمساعدتكم انا بجد محتار جدا ساعدونى