النترا 2012؟ ولا سيراتو 2012؟ ولا لانسر شارك؟ ولا هوندا سيفيك؟
 

مش عارف انا حاسس ان كلهم زي بعض في الصاج والعفشه والموتور بس هي النترا وهوندا اشيك.. بس عايزين حد يعرفنا ايه الاحسن منهم؟؟
انا من خلال دخولي علي الموقع في معظم الاقسام حسيت ان كل العربيات الفئة ديه .. ماعدا الالماني طبعا.. حاسس ان كلهم قريبين جدا من بعض وهي فروقات بسيطة جدا

رد: النترا 2012؟ ولا سيراتو 2012؟ ولا لانسر شارك؟ ولا هوندا سيفيك؟
 

انا كنت محتار زيك بالظبط وبعد تفكير عميق جبت النترا 2012
لانى عاوز اركب عربية جديدة واحس انها جديدة ودى الوحيدة اللي تصميمها 2012
وكمان كورى صيانه وقطع غيار سهله وبسيطة وكمان اعادة البيع شغال وبصراحه كنت حابب شكلها اوي وعلي فكره العربية دى واخد افضل سيارة مدينه في امريكا 2012 وكمان 5 من 5 اختبارات التصادم ادخل علي اليوتيوب وشوف مقارانات بس لوتقدر اي عربية تجيبها هات الكامله منها وياريت الخليجي علشان في اوبشن مش بينزل هنا

رد: النترا 2012؟ ولا سيراتو 2012؟ ولا لانسر شارك؟ ولا هوندا سيفيك؟
 

ياريت لو حضرتك تكتبلنا تجربتك مع النترا علي السريع كده من ناحية التحمل والبنزين والعفشه وهل الأبعاد بتاعتها سهلة التأقلم عليها ولا مشكله وانتا ماشي علي الطريق وهل فيها مشاكل في ارتفاع حرارتها.
لأني بصراحه زي صاحب الموضوع محتااااااااااااااار جداااااااااااااااااا لكن ناوي 70% علي النترا
ولك الاجر والثواب عند الله.

رد: النترا 2012؟ ولا سيراتو 2012؟ ولا لانسر شارك؟ ولا هوندا سيفيك؟
 

كلام زى الفل
انا كنت زيكوم واختارت السيفيك والالنترا واستقريت علي الالنترا لانها تكنولوجيا اكتر وارتفاع عن الارض اكثر مقارنتا بالسيفيك

رد: النترا 2012؟ ولا سيراتو 2012؟ ولا لانسر شارك؟ ولا هوندا سيفيك؟
 

طبعا يا جماعه السفيك افضل من جميع النواحي كفايه انها ياباني بس برضه انا هقلك افضل سيارات من اللي انت ذكرتهم بالترتيب من الافضل الي الاقل اولا السيفك ثانيا الشارك ثالثا الالنترا رابعا السيراتو وللعلم العربيات كلهم اللي انت ذكرتهم عربيات ممتازه والله الموفق