ياريت يا جماعه تفيدونى
 

انا دلوقتى معايا لانسر وهبيعها واجيب جيب لبيرتى انا كنت عاوز اعرف؟
هيا بتاكل بنزين اد ايه؟
اجيب 3700 سى سى ولا اجيب الاصغر.
انا هجيبها مانول عشان مش بحب الاتوماتيك.
طب وانا بكون مسافر بمشى حوالى 250 كيلو لانسر كانت بتاخد منى حوالى 27لتر بس بكون دايس اوووى ...
طب لبيرتى تاخد قد ايه فى 250كيلو
ايه ظروف قطع غيرها والضريبه بتاعتها كام فى 6سلندر.
الضريبه بتاعتها كام برضوه فى 4سلندر.
منها وياريت تفاصيل اكتر ياجدعان عشان انا اكون فاهم كل حاجه برضوه من اولها مش اجيبها وبعد كده اتخنق منها ويطلع عينى يارب لا احد يبخل عليا بمعلومه

رد: ياريت يا جماعه تفيدونى
 

ايه يا جماعه محدش رد عليا ليه مفيش حد فاهم فى الجيب ولا ايه

رد: ياريت يا جماعه تفيدونى
 

بص يا باشا الضريبة بتاعتها هتبقى عالية اوى لانهم بيحسبوا الضريبة على السي السي مش عدد السلندرات وطبعا استهلاك البنزين هيبقى رهيب لانها 3700 يعنى المشوار 250ك ممكن يحرق صفحتين مع الليبرتى لو انت بتحب الجرى يعني 40 لتر والضريبة ممكن تخش فى اكتر من 1000 جنيه ولو عايز تتأكد بالظبط اسأل المرور

رد: ياريت يا جماعه تفيدونى
 

اولا الليبرتى معظم اللى موجود 6 سلندر اوتوماتيك هو فى 6 سلندر مانيوال بس مشوفتش حتى الان
ال4 سلندر كلة مانيوال
ثانيا استهلاك البنزين كالاتى
ال 6 سلندر متوسط جوة البلد 15.7 ليتر لكل 100 كم
طريق سريع 12.4 ليتر لكل 100 كم
ال4 سلندر متوسط جوة البلد 13.8 ليتر لكل 100 كم
طريق سريع 10.7 ليتر لكل 100 كم
بالنسبة للضريبة مقدرش افيد حضرتك فيها
قطع الغيار ممكن حضرتك تنزل شارع شامبليون او الحرفيين تسال هناك عشان تقطع الشك باليقين
عامة لو حضرتك هتجيب العربية عشان تجرى وتقفل عداد وهكذا بلاش
مع ان الليبرتى 6 سلندر موتور جبار 210 حصان عزم شديد 319 نيوتن كيك داون غشيييييييم
الا انها وحسب كلام الناس واللة اعلم تعانى مشكلة عدم الثبات
ولو حضرتك عايز تركب شيروكى عامة فى بردة الشيروكى اللى هى قبل الليبرتى عربية تحفة واعتمادية ودة عن تجربة
واللة اعلى واعلم فيما قلت

رد: ياريت يا جماعه تفيدونى
 

عربيه روعه وموفق ان شاء الله