حد يعرف الخرطوم المفصول ده بتاع ايه ؟؟
 

كنت عملت مشاركه قبل كده علشان مشكله في العربيه انها مخنوءة اوي
واخر ميكانيكي روحتله وبعد مامشيت من عنده لقيت الخرطوم الرفيع ده مفصول مش عارف هو عامله عن قصد ولا كان بيعمل حاجة ونسي يركبه المهم انا ركبته مكانه لقين العربيه مخنوءة تاني شيلته لقيته بقت كويسه الي حد ما يريت حد يفيدنا في الموضوع ده
العربيه لانوس 99 اوتوماتيك 1500

ودي صورة الخرطوم المفكوك والطرف التاني ورا كده علي المانفولد
الخرطوم ده المفروض انه واصل علي بلف بفيشه اعتقد انه سولونويد وطرف البلف التاني واصل با EGR

http://im21.gulfup.com/2012-02-13/1329128778462.jpg

رد: حد يعرف الخرطوم المفصول ده بتاع ايه ؟؟
 

فعلا الخرطوم ده بيجيب هواء تخلخل من المانيفولد لتشغيل منظومة ال EGR

والميكانيكى قاصد يحله فعلا لتحسين آداء السياره معاك

لكن فاته حاجه مهمه

وهو أنه يطبب أو يقفل على النهايات المفصوله للخرطوم وعلى مجمع هواء التخلخل

ولو أنت طببت نهاية الخرطوم وطببت نهاية الكوع الكاوتش المتنى

على مجمع هواء التخلخل

هتاخد آداء أحسن كمان من السياره

رد: حد يعرف الخرطوم المفصول ده بتاع ايه ؟؟
 

ازيك ياباشمهندس سمير
في البدايه شكرا علي ردك انت دايما بتكون اول واحد يرد عليا
ثانيا حابب اسالك يعني فعلا ممكن تكون الكلبشه والخنئة الي في العربيه سببها ال EGR
بصراحه انا عمري مافكرت فيه حتي لو تفتكر الموضوع ده اتكلمنا فيه اد ايه
ولو هو بيخنئ العربيه فعلا ولو مافيهاش رزاله كنت عاوز افهم بس بيخنئها ازاي

رد: حد يعرف الخرطوم المفصول ده بتاع ايه ؟؟
 

أشكرك أولا على سؤالك

ثانيا

فعلا وجود إخفاق فى البلف بحيث يكون فاتح عادم على طول وموديه للمانيفولد

بيلوث شحنة الهواء والبنزين بالغرف ومن هنا بيقل السحب ( أى تتخنق السياره )

يا أخى

تحت أمرك

وهظبط معاك سبب ووظيفة البلف ده بعد المغرب بإن الله

وأستسمحك لفتره قصيره من الوقت

رد: حد يعرف الخرطوم المفصول ده بتاع ايه ؟؟
 

في انتظارك انشاء الله ياهندسه