|
تحذير لمستخدمي طريق النصر (الأوتوستراد)
إحتمال إن حد يقرا الموضوع ويحس أنه بسيط ومش مستاهل
لكن الموضوع فعلا مهم خصوصا بعد إللي شوفته إمبارح مساء عربية هيونداي أكسنت الجانب الشمال الأمامي أتكسر تماما (الجنط بالمقص بالكوبلن بالمساعد) كلهم على الأرض بسبب الماسورة إللي في الحفرة بجد كان المنظر محزن جدا خصوصا إن الحفرة دي بقالها شهور مبدئيا أنا عاوز احذر الأعضاء إللي بيستخدموا طريق الأوتوستراد خاصة المنطقة من أمام (ماركاتو أمام شارع عباس العقاد) إلى ميدان رابعة العدوية (تقاطع شارع الطيران مع الأوتوستراد) في الأتجاه القادم من سيتي ستارز ومتجه إلى رابعة العدوية يوجد على أقصى يمين الطريق بعد "ماركاتو" بحوالي 100 متر عند اول "يو ترن" (فتحة رجوع) مجموعة حفر بها مواسير رأسية (هي مجموعة حفر جنب بعض كونت حفرة واحده كبيره) الخطورة في الآتي :- اولا الحفر لا يمكن ملاحظتها بسهولة ثانيا وجود مواسير حديد داخل الحفر (مواسير رأسية يعني تخيل وجود بلاعة صغيرة مفتوحة) ثالثا المرور على الحفر دي تقريبا إجباري أو إضطراري لوجود فتحة "يو ترن" على شمالك مما يضطرك إنك لو مكمل على طول تاخد أقصى اليمين وتعدي فوق الحفر دي ولو أنت ماشي بسرعه يبقى اكيد العربية هايصبها ضرر ياريت يا جماعه ناخد بالنا من الطريق كويس و ربنا يسلمنا جميعا تحياتي http://www3.0zz0.com/2012/02/07/10/632743817.jpg |
رد: تحذير لمستخدمي طريق النصر (الأوتوستراد)
ربنا يبارك لك يا استاذنا الفاضل على النصيحه
تحياتى |
رد: تحذير لمستخدمي طريق النصر (الأوتوستراد)
والله أنا كنت هاصور العربية إللي أتكسرت إمبارح بسبب الحفر دي ومدى تأثرها لكن بصراحة لقيتها قلة زوق إني أصور العربية والراجل جانبها بيتحصر عليها
|
رد: تحذير لمستخدمي طريق النصر (الأوتوستراد)
وكمان فيه حفرتين مابينهم حوالى 150 م على الجنب الشمال امام المركز الطبى للمقاولون العرب فى الإتجاه لنادى السكه وفيه .... وفيه....... انت اكيد بتتكلم على شوارع مصر .....:014FDA~117::014FDA~ 117:
|
رد: تحذير لمستخدمي طريق النصر (الأوتوستراد)
ربنا يبارك لكشكر وتقدير
|
| الساعة الآن 01:59 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017