|
أريد تعلم القيادة على سيارة اتوماتيك
عايز مكان مدرسة او مركز لتعليك قيادة السيارات اتعلم فية السواقة بس على عربيات اتوماتيك لان هشترى عربية اتوماتيك
ويكون المكان فى الجيزة او الهرم |
رد: أريد تعلم القيادة على سيارة اتوماتيك
ياريت يا جماعة الى يعرف مكان كويس يقولة
|
رد: أريد تعلم القيادة على سيارة اتوماتيك
مينفعش يباشا تتعلم علي اوتو والا مش حتفهم يعني ايه سواقه
لان الاوتوماتك بمعني اصح بتمشي لوحدها وفي امتحان المرور مش حيجيبلك عربيه اوتو تمتحن عليها ولازم تتعلم مانوال عشان في يوم من الايام وحصل ظرف انك ركبت مانوال تعرف تتعامل نصيحه اتعلم مانوال وطلع رخصه وبعد كده الاوتو حتبقي بالنسبالك لعبه |
رد: أريد تعلم القيادة على سيارة اتوماتيك
اقتباس:
بس انا هشترى عربية اتوماتيك خلالا ايام وعارف ان سواقة الاتوماتيك سهلة وهتعلمها بسرعة وبعدها يبقي اتعلم المانوال |
رد: أريد تعلم القيادة على سيارة اتوماتيك
بص طيب عشان متتعبش دماغك الاوتو مش محتاج تعليم
هو الفتيس غالبا حيبقي بالشكل ده http://www.motorward.com/wp-content/...ansmission.jpg مبدئيا P معناها بارك او جراج يعني بتستخدمه لما تكون واقف من العربيه ووركنت بيعمل عمل فرامل اليد R معناها ريفيرس ده اللي بترجع بيه لوره (المارشدير N ده الموور وده مبيبقاش علي اي غيار D ده اللي بتستخدمه وانت ماشي وبيستخدم كل الغيارات (اول وتاني وتالت ورابع اوتوماتك)علي حسب سرعة العربيه وعدد لفات المتور 2 ده بيستخدم الغيارين (اول وتاني)وبيغير مبينهم علي حسب سرعة العربيه وده بيستخدم في حالة انك في طريق مكسر وعايز تمشي براحه ومش عايز الفتيس يجيب التالت L وده معناها Low وده اقل غيار او الغيار الاول وده في حالة انك في مطلع شديد شويه ومعا حموله في العربيه بس في الغالب انت مبتستخدمش غير D و R و P ولازم قبل متغير تكون دايس فرامل والعربيه واقفه تماما والباقي بقي انت بتحس بنزين وفرامل العربيه وتخلي بالك من زوايا العربيه وربنا يباركلك فيها يا ريس |
| الساعة الآن 10:58 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017