الشكمان بيجيب ميه والسياره فيها بخره ده ايه
 

الي خبراء مصر موتورز حاجه محيراني السياره عندي لما بدور ها بلقيها بتجيب ميه من الشكمان ساعات كثير وساعات اقل واحد قالي كده الموتور كويس مع ان فيه بخره بيضه تطلع في نفس الوقت المكانيكي قالي الموتور خفيف ده كلام متناقض اصدق مين ولا ايه الحكايه والحل ايه ارجو الافاده وحياكم الله

رد: الشكمان بيجيب ميه والسياره فيها بخره ده ايه
 

لو مفيش عندك نقص مستمرفى مياه الردياتير

يبقى تصدق الكلام الأول

وماتراه من بخار مياه بيخرج مع العادم حسب رطوبة وحرارة الجو

رد: الشكمان بيجيب ميه والسياره فيها بخره ده ايه
 

ولو مفيش نقص في مقاس الزيت يبقي ده بخار مياه ولو في نقص يبقي فعلا المكنه خفيفه

رد: الشكمان بيجيب ميه والسياره فيها بخره ده ايه
 

مبدءيا كده ماكينه العربيه بتتعرف انها خفيفه من حاجتين اتنين يا اما بتاكل زيت يا اما بتاكل بنزين لو دول تمام يبقي يبقي اي حد يقولك الماكينه خفيفه بيضحك عليك لو دول تمام يبقي ما تقلقش من حاجه البخره البيضاء دي بتبقي ميه ور طوبه ف الشكمان او الجو اللي يقلق فعلا مش البخره البيضه البخره السوداء او الزرقاء دول اللي يقلقوا قووووي لكن البيضاء دي بخار ميه ده لو الماكنه مبتاكلش زيت او بنزين واتمني اكون افدتك

رد: الشكمان بيجيب ميه والسياره فيها بخره ده ايه
 

طيب لو فى نقص لكن بسيط فى مياه الردياتير كل اسبوعين بنزود ربع لتر
و مفيش نقص في مقاس الزيت و استهلاك البنزين معقول
يبقي ده كده عادى ولا ايه ؟
و ايه سبب نقص المية