مصر موتورز مجتمع السيارات - ارجوكم الإفادة في مشكلتين

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - ارجوكم الإفادة في مشكلتين (https://www.masrmotors.com/vb/showthread.php?t=78776)

ارجوكم الإفادة في مشكلتين

العربية اوبل كورسا 97
الحقيقة انا لسة مغير بوجيهات ومنظف فلتر الهوا ومغير فلتر بنزين من سنه تقريبا
بس وانا ماشي على التالث واجي مرة واحدة اكبس بنزين صوت الموتور بيعلي والعربية مش بتجمع غير بعد شوية مش على طول ...تبقى المشكلة فين يارجالة (اسطوانة ولا كهرباء ولا اية)؟؟؟
المشكلة التانية هي المية وانا خايف تبقى مصيبة
كل لما الدنيا تشتي القي مية في ارضية العربية ناحية اليمين (غيرت كاوتش الباب بكاوتش جديد) بس الدنيا شتت امبارح سيول لاقيت ارضية العربية (الموكيت واللباد ) غرقان مية انا عاوز اعرف المية دي بتيجي منين ؟؟ قبل ما العربية تصدي وتعمل بارومة الحقوني يا رجاله

رد: ارجوكم الإفادة في مشكلتين

بالنسبة للمشكلة الاولى
اعتقد ان العيب فى الاسطوانة
اما المشكلة الثانية لازم تتشاف بالعين

رد: ارجوكم الإفادة في مشكلتين

الف شكر على سرعة ردك اولا
ثانيا : يعني العيب الأول من الإسطوانة كدة مش من حاجة تانية؟؟؟
انما الموضوع التاني انت بتقول لازم يتشاف بالعين حلو...اكشف على اية وابص فين يعني اية الأماكن اللي المية بتدخل منها؟؟ مهو دة اللي عاوز اعرفه..ممكن ترجحلي اماكن بدل ما اضطر اني اشيل موكيت العربية كله

رد: ارجوكم الإفادة في مشكلتين

اقتباس:

ومنظف فلتر الهوا ومغير فلتر بنزين من سنه تقريبا

جرب تغيير الفلترين دول

اقتباس:

كل لما الدنيا تشتي القي مية في ارضية العربية ناحية اليمين (غيرت كاوتش الباب بكاوتش جديد) بس الدنيا شتت امبارح سيول لاقيت ارضية العربية (الموكيت واللباد ) غرقان مية

أكشف على سقف السياره من الجانب الأيمن

تحت حروف كاوتش السقف

وارد أوى تلاقى خرم تحت الكاوتش

رد: ارجوكم الإفادة في مشكلتين

الف شكر يا بشمهندس سمير على ردك
هجرب تغيير الفلترين , ومفيش اسباب تانية ؟؟
هكشف على السقف بس انا كنت مستبعد الموضوع دة لأني كشفت علية وانا بغير كاوتش الباب , طب معلش هي اية الأماكن التانية اللي ممكن تدخل منها المية لجوه العربية