|
عايز افهم كذا حاجه في البوجيهات !
السلام عليكم
ناس في المنتدي نصحوني اني استخدم بوجيهات 3 شمعه بما اني بحب الشد بس هل دا ممكن يؤثر علي الماتور؟؟ انا بوجيهات عربتي مش عارف نوعها بس هيا في اخرها سلك تخين متني وكمان سؤال ايه هوا سلك البوجيهات وبيبقي فين؟ وشكراً |
رد: عايز افهم كذا حاجه في البوجيهات !
اخى الكريم فى وش الموتور ستجد اربعه سلوك بوجيهات واصلين الى موبينه التكرير.
اما بخصوص البوجيه واحد شعله او ثلاثه شعله فالفرق بينهم مثل البوتاجاز الذى يوجد يه اشعال زاتى من طرف واحد فتخيل اذا كان الاشعال الزاتى الذى سيقيد النار ثلاث شعلات اعتقد ان الاشتعال سيكون اسرع وهكذا البوجيهات وتقبل تحياتى |
رد: عايز افهم كذا حاجه في البوجيهات !
اقتباس:
بس سؤالي هل لو استخدمت بوجيهات 3 شمعه هل فيها ضرر علي الماتور؟ وسؤال اخر اري ان معظم ردود الاعضاء احيانا بيقولو غير سلوك البوجيهات؟؟ امتي بتتغير ومتشكر جداً |
رد: عايز افهم كذا حاجه في البوجيهات !
اقتباس:
اما عن تركيب بوجيهات ثلاثه شعله فهى افضل بكثبر وليس بها اى ضرر على الموتور |
رد: عايز افهم كذا حاجه في البوجيهات !
اخى الكريم
لا يوجد حاجة اسمها بوجيهات 3 شمعة وانما يوجد بوجيهات واحد شمعة و3 ارضى ودى التسمية الصحيح نظرا لتركبها فتلك البوجيهات فيها طرف موجب واحد وعدد 3 اطراف ارضى وبصراحة انا لى راى مختلف عنها وقد يكون راى ضد الكثير من الاعضاء باختصار نظرية عمل البوجية هو نقل فرق جهد المولد من البوبينة ذو الفولت عالى 8000 او 16000 فوت الى الطرف الارضى حيث يكسر فرق الجهد العالى الجاب الموجود بين الطرف الموجب والارضى (السالب) ويصبح وقتها الهواء موصل جيد للكهرباء وينتقل هذا الجهد فى صورة شرارة تعالى نتخيل واحنا داخل غرفة الاحتراق شرارة بتنط من الطرف الموجب الى الطرف الارضى فى حالة ان البوجية واحد شمعة هايكون شكلها عامل ازاى ونفس التخيل لو ان البوجية اللى راكب 3 ارضى (3 شمعة) هايكون شكلها عامل ازاى .......مش معايا انا فى الحالة التانية شكل الشرارة هايكون مشوهه ومقسوم على 3 صح؟ ولكن انا بتفق ان البوجيهات 3 ارضى عمرها الافتراضى اكبر من الـ واحد شمعة ودى نتيجة طبيعية لان الشرارة مش بتاثر على مكان واحد وانما 3 اماكن سواء بالتتابع او بالانقسام تقبل مرورى |
| الساعة الآن 10:20 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017