مساعده ضرورى انا نازل الحرفيين النهادره اشترى كردان
 

انا نازل الحرفيين بازن الله النهارده او بكره اشترى كردان لبى ام الفئه الخمسه 1984ماهو سعر الكردان وهل هو انواع وايه افضل نوع وياترى هلاقيه عند مين وكنت عاوز اركبه عند حد فى الحرفيين مين الميكانيكى الكويس الى اقدر اروحله ومكانه فين بالظبط

رد: مساعده ضرورى انا نازل الحرفيين النهادره اشترى كردان
 

ربنا معاك ويوفقك ويعينك
كان عندي نفس المشكله في الكردان لنفس عربيتك بس مو 81
واجهتني مشكله غريبه قلت يمكن تنفعك لزيادة التأكد
الكردان عندي المفروض انه 4 مسامير ،، اللي كان راكب عندي كان 3 مسامير ، ولفيت ودوخت وطلع عيني ووصلت لبور سعيد عشان اسأل عليه ،، كنت بقولهم كردان بي ام 518 مو 81 الاقيهم يطلعولي 4 مسامير ،، يا جدعان مش هو ، انا عندي 3 !! يقولولي ما نعرفش واسيبهم وامشي علشان العربيه قدمهم وبيشوفوها 3 مسامير والاخر يقولو الموديل ده مش موجود عندنا
واتاري الاخ اللي كان راكب العربيه قبلي حد كان مغيرهوله وطبعا مغير القاعده اللي بيتثبت فيها الكردان ومحوله لموديل تاني 3 مسامير ، ليه مش عارف هههههه
ما علينا مش حطول عليك اتأكد الاول من اللي راكب عندك وياحبذا تروح بالعربيه عشان يبصلك عليها ويديلك اللي زيه بالظبط وبالتمام عشان ما تلفش كتير او تروح وترجع تغيره وما يطلعش زيه ، عشان البي ام كذا فئه وكذا موديل فمتغلبش نفسك كتير وربنا يوفقك ،،، تغييره سهل مش مشكله عويصه اي حد يفكه ويركبه تاني بس المهم انك تشتريه يكون صلبانه سليمه مافيهاش تكه ولا بتلوق والكلام ده وربنا معاك
تحياتي ,,,

رد: مساعده ضرورى انا نازل الحرفيين النهادره اشترى كردان
 

بيكون فى رقم على الكرونه زى ده TVB000140 / FTC4140 اعرف الرقم بتاع الكرونه الى ركبه عندك كام وهات اخوه

رد: مساعده ضرورى انا نازل الحرفيين النهادره اشترى كردان
 

متشكر على اهتمام حضراتكم حصل بعض الظروف ومعرفتش اروح الخميس بازن الله هنزل النهارده الى هو الجمعه اشترى الكردان ياريت تنصحونى بحد يكون كويس اجيب منعده الكردان وياريت ياستاز حاتم تعرفنا ايه اخبار العربيه كانت عامله معاك ايه واقصى سرعه جبتها بيها كام

رد: مساعده ضرورى انا نازل الحرفيين النهادره اشترى كردان