|
وجود تشققات على خراطيم الباور !!
لاحظت انى بعد نظافة السيارة وكل شيئ بقى واضح وصريح
وبعد الفحص والتمحيص:w6w2005041113402 66d لاحظت وجود شروخ بخراطيم الباور الاصلية السيارة موديل 2007 وعاملة 100000 كيلو وكمان فى حتة من الخراطيم بلاقيها مندية وعليها مش عارف زيت او شحم المهم العربية كلها ناشفة الا الحتة دة السؤال؟ هل الاعضاء بيغيروا خراطيم الباور كل مدة معينة ولا بيستنوا لغاية لما عطل بيظهر؟ متهيالى لو انا ماشى بالسيارة والخرطوم ضرب متهيالى العواقب مش حتبقى كويسة صح ولا لا؟ لو حد غير ممكن يقولى تفاصيل السعر وغير فيين واشترى منيين؟ التوكيل يكلف كام؟ |
رد: وجود تشققات على خراطيم الباور !!
خراطيم الباور ممكن تتكبس .... فيه محلات متخصصة لكبس خراطيم الضغط العالى
بس اعتقد ان عربية حضرتك ليها خراطيمها الاصلية لو الخرطوم ضرب ... حتفقد زيت الباور كله ... و حتحس بيه فى الدركسيون حيتقل جدا انا معنديش تفاصيل دقيقة عن الفيرنا .... بس انا اعرف محلات كبس الخراطيم الى موجودين فى 6 اكتوبر |
رد: وجود تشققات على خراطيم الباور !!
الشروخ هى تحذير ان الخراطيم حالتها اصبحت مستهلكة بسبة 70%
يفضل تغيرها فى الوقت الحالى لان من الممكن حدوث تسريب ويؤدى لا حتراق البور بسبب فقد الزيت احرص حتى التغيير على الكشف على زيت البور بأستمرار :w6w200504111340266d |
رد: وجود تشققات على خراطيم الباور !!
اقتباس:
ما دام الخرطوم مشقق وبدأت تشوف بقايا الزيت.. يبقى أول حاجة تعملها إنك تراجع مستوى زيت الباور كل يوم... عشان لو نقص جامد ممكن الطرمبة تتحرق اتأكد من إن الخرطوم بعيد عن مصادر الحرارة العالية.. زي شجرة الفرن والشكمان مثلا. لإن الخراطيم بتتأثر قوي بالحرارة. لو فرضنا إن الخرطوم ضرب فعلا... لازم تفصل حركة الطرمبة فورا... يعني تفصل سير طرمبة الباور (غالبا حتلاقيه لوحده ومش مشترك مع أجزاء تانية) أو تفصل الفيوز بتاعها لو هي كهرباء. بعد كده اشتري خراطيم جديدة (يفضل الأصلي) أو خد الخراطيم القديمة وروح لورشة كبس الخراطيم الهيدروليك... حياخد الخراطيم القديمة ويطلع منها اللاواكير (الوصلات المعدنية) ويركبها في الجديد ممكن تعمل للخرطوم تلبيسة بخرطوم تاني فوقه... يعني الخرطوم جوه خرطوم تاني أوسع منه... عشان يحميه من الحرارة العالية ... |
رد: وجود تشققات على خراطيم الباور !!
الحق غيره قبل ما يتقطع ده كدة بيديلك تحذير والخرطوم موجود فى اى محل قطع غيار بس الصراحة معرفش تمنه كام
|
| الساعة الآن 08:48 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017