طلب ماشورة
 

سؤال الى اهل الخبرة عندى بومة مو 2007 اوتو 1300 وطبعا عربية ضعيفة . فكرت ابيع العربية واشترى 1600 اوتو بس خايف من المستعمل وخصوصا ان عربيتى نظيفة اوى
هل ممكن اغير المتور و الفتيس واجيب 1600 اوتو ولا ماتنصحونيش بكدا وابيعها ؟؟؟؟؟؟؟؟؟

رد: طلب ماشورة
 

انا من محبى المخاطرة فى موضوع تغيير المواتير .... بس مش عارف ازا كان الموضوع يستحق ولا لأ
حضرتك لازم تغير العفشة كمان مع تغيير الموتور
معلومة صغيرة لسة عارفها من اسبوع .... مساعدين 1300 مينفعش يركبوا مكان ال 1600 و العكس صحيح

رد: طلب ماشورة
 

اخى الكريم ahmed_eng2001
شكرا على الرد و الاهتمام . طبعا كلام حضرتك صح عفشة 1600 رياضية وقطر المساعد اكبر من 1300
بس اعتقد انى مش محتاج اغير العفشة لان اخرى فى الجرى بالعربية 130 كم ساعة ودة فى السفر فقط
انا محتاج اغير المتور الى 1600 علشان شغلى فى التجمع الخامس و الطريق كلة مطالع وانا رايح . ومنازل وانا راجع
طبعا بيطلع عينى وانا رايح الشغل
وشكرا على اهتمامك
ولو عندك وجهة نظر اخرى ياريت تقولى

رد: طلب ماشورة
 

اعتقد انك ح تدخل نفسك فى مشكلة و فى الاخر العربية ح تبقى معيوبة برضو - الطبيعى انك تبيع و تشترى 1600 نضيفة

رد: طلب ماشورة
 

انت احسب التكلفه فى الحالتين واعمل حساب المخاطر .
الحال الاولى البيع : السوق كله تلبيس وصعب انك توقع عربيه كويسه بس فى طبعا . ومعرفش السعر او التكلفه حتكون كام بس مش حاتقل عن 10000 تقريبا.

الحاله الثانيه : تغير الموتور والفتيس كله و العفشه بالمره وانشالا ما حد حوش من الحرفيين وديه ما اقدرش اقولك تتكلف كام علشان انا معرفش اه الاسعار بس اهم حاجه تجبهم من عند واحد عنده ضمير و معرف ولو تاخد ضمان وطبعا الورق بتاع الموتور الجديد.
احسب وشوف وعلى فكره كان فى عضو هنا فى النتدى كان جايب موتور متهيالى من عند واحد فى الحرفيين و كان بيشكر فيه اوى وكان بيقول ان اسمو زوزو زيزو حاجه كده والعضو ده معاه كريستاله شوف الموضوع بتاعه و اساله.
وممكن لو عملت الحاله الثانيه تجيب العتب والسبويلر والفوجات و تخليها sport و اى استفسار انا موجود