استنتاج ومطلوب تاكيده
 

السلام عليكم ورحمة الله وبركاته
انا كنت فكيت الكاربراتير قبل كده والمهم بقالى فترة ادوس فرامل صوت الموتور يتغير سواء يعلى او يوطى والميكانيكيه يقولوا السيرفو بايظ وبتاع المهم وانا بظبط مسمار الهوا اكتشفت ان مسمار الهوا له علاقه مباشره بالسيرفو وان الهوا لما ما بيكونش مظبوط عند الضغط على الفرامل اما بيوطى صوت الموتور والعربيه تبطل وده معناه ان الهوا مقفول او ان الموتور يعلى وده معناه ان الهوا زياده او ممكن العكس ولما بظبط الهوا تمام ولا الموتور بيعلى ولا يوطى مع الضغط على الفرامل يا ترى استنتاجى ده مظبوط وتوضيحه مظبوط ولا ايه ارجوا تاكيد المعلومه او توضيحها

رد: استنتاج ومطلوب تاكيده
 

الكاوتش بتاع السيرفو حتلاقيه عايز يتغير وبينفث هوا اي مكانيكي بيفهم في السيرفو حيعملهولك ومش حيتكلف كتير

رد: استنتاج ومطلوب تاكيده
 

ما انا لقيته منفث فعلا وغيرته بس لما بقفل المسمار صوت الموتور بيوطى وتبطل ولما افتحه صوت الموتور بيعلى ولما بظبطه الصوت ولا بيعلى ولا بيوطى يعنى له علاقه صح

رد: استنتاج ومطلوب تاكيده
 

هل بدال الفرامل محجر معاك ولا طرى

رد: استنتاج ومطلوب تاكيده
 

هو البدال كويس بس احيانا بدوس عليه مره وفى التانيه ينزل لاخره وكانه مفوت بس انا سؤالى هل مسمار الهوا له علاقه فعلا بالسيرفو وايه تفسير اللى بيحصل ده ولو فيه مشكله تبقى فى الكاربراتير ولا السيرفو