|
ناوي اشتري فيرنا كامله 2012 بس محتار بين الفيرنا المانوال وبين الفيرنا الاوتو افيدووووووووووونييي يا ناااااااااااااس مش عارف اخد قرار :(
السلام عليكم يا فرناوية بصراحه انا دماغي بدات تشت بس عايز اعرف راي كل واحد في الحوار ده انا باذن الله ناوي اشتري فيرنا كامله 2012 بس محتار بين الفيرنا المانوال http://www.m5zn.com/uploads2/2012/1/...i267f4ohll.jpg وبين الفيرنا الاوتو http://www.m5zn.com/uploads2/2012/1/...lsfrenokdj.jpg انا عارف ان المانوال جميله وحلوه بس لما بفكر في طرق بصر وافتكر رجلي اللي بتقفش من كتر دوسي عالدبرياش اللي مبلحقش اجيب اول وتاني وتالت فيه اقول الاوتوماتك اريح بس اخاف من اعطالها ياريت تنصحوني يجماعه لاني شكلي حخليني في 127 بتاعتي وابطل تفكير :D:balloons71: |
رد: افيدووووووووووونييي يا ناااااااااااااس مش عارف اخد قرار :(
بص يا باشا انت طبعا عارف ان لسة جايب فيرنا انت اول من باركلى هنا
انا كان معايا سيريون اوتو كانت طبعا مريحانى ومش شاغل نفسى بالزحمة الفيرنا مش من اول مرة اتعودت عليها عشان مانول بس نصيحة منى بلاش كورى اوتو وبالذات الفيرنا اى نعم الاوتو راحة بس خليك فى المضمون احسن او تفكر فى عربية اوتو غير الفيرنا وشكرا |
رد: افيدووووووووووونييي يا ناااااااااااااس مش عارف اخد قرار :(
هو بصراحه مش عايز حاجه غير الفيرنا وحاببها جداا واللي خلاني ارجع افكر في حوار الاوتو ان في ناس هنا شكرت فيها اوي بس اهم حاجه الالتزام في الصيانات الدوريه برضه مش عارف عارف نت لما دماغك تعد توسوس كده يلا ربنا يكتب اللي فيه الاخير وشكرا عالنصيحه والف مبروك مره تانيه وانتم السابقون ونحن اللاحقون ان شاء الله :36_1_1[1]::01FDAB~189: |
رد: افيدووووووووووونييي يا ناااااااااااااس مش عارف اخد قرار :(
هات i10 اوتو حلوة جدا لسة راكبها امبارح تقفيلها انظف من الفيرنا
|
رد: افيدووووووووووونييي يا ناااااااااااااس مش عارف اخد قرار :(
معلش يا شباب للمداخلة ازاى تقولوا على فتيس الماتريكس الاوتو جميل ورائع وفتيس الفيرنا وحش وبايظ واساسا هما نفس الفتيسين بالماتور كمان مغيريين الشكل بس الخارجى
استاذى الكريم العربية ممتازة والاتو بتاعها ممتاز ممتاز جدا الصيانة يا استاذ مهمة الصيانة الصيانة بعد كدة ولا عمرة هيقولك كلمة انا معايا مانيوال وكان نفسى اجيبها اوتو لكن فى 2007 كان الفرق حوالى 10 الاف جنية ومكنش معايا وكنا محتاجين عربية ضرورى لكن لو رجع الزمن ومعايا كنت جبتها انصحك بيها اخى وللعلم انا سقت الاتنين طبعا مفيش مقارنة فى وقتنا الحالى بين المانيوال والاوتو راحة ما بعدها راحة بس الحمد لله على النصيب اخر كلمة هقولهالك لو جبت المانيوال وسمعت كلام الناس هتندم بعد ما تجيبها مش لانة وحش لاة دا فوق الممتاز لكن هتتعب دبرياج ورجلك هتتعب مع الزحمة دى ولكن الندم هنا عشان هتلاقى انى الاوتو زى المانيوال ممتاز فى الفتيس وانت سمعت كلام الناس وخلاص وهتقول ياريتنى جبت اوتو عذرا للاطالة ولكن انا بس مضايق من الناس التى تشكك فى الكورى الى الان زى الصينى الوقتى الناس قرفانة منة وسمعة وخلاص رغم انى متاكد كام سنة وهيبقى نصف عربيات البلد صينى زى الهيونداى الوقتى |
| الساعة الآن 06:24 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017