استفسار عااجل بخصوص فيكترا 95
 

يا شباب معروض عليا فيكترا 95 كاملة مانوال استيراد معوقين فبريكا بالكامل لكن الغريب فيها ان موتورها 1300 سى سى ... هل الموتور ده ايكو تك برضو زى ال 1600 وال 2000 ؟؟وهل لو مش ايكو تك هل ينفع اسقط موتور 1600 مكانه؟؟وهل الاوبل بالموتور ال 1300 هيكون اداءها كويس لو معرفتش اسقط موتور ايكو تك؟؟سعر موتور ال 1600 ايكو تك فى حدود كم؟؟وهل فعلا اسعار قطع غيار الاوبل تحديدا غالية اوى ؟؟ بعض الناس بتقول انها اغلى من الباسات والاوكتافيا a4واخيرا انا ركبت الابيزا والبولو وبصراحة غاوى المانى جدااااانصحتكم اية فى الالمانى فى حدود من 40 الى 50 الف؟؟ولا ازود شوية واجيب باسات 2001؟؟مشكورين مقدما

رد: استفسار عااجل بخصوص فيكترا 95
 

بص يا باشا موضوع ال 1300 ده مقدرش افيدك فيه عشان معدتش عليا قبل كده
اما انك تسقطلها مكنه ايكوتك على ما اظن مش هينفع الا لو هتعدل فى العربيه و محتاجه ميكانيكى فاهم قوى انما هى ممكن يتسقطلها ال 1600 العادى او ال 2000
اما بالنسبه لقطع الغيار الفكترا A قطع غيارها فى المعقول و قريبه كتير من اسعار قطع غيار العربيات الكورى و فى قطع غيار لللانوس بتركب عليها

رد: استفسار عااجل بخصوص فيكترا 95
 

واحد صاحبى معاه الاوبل ال 95
2000cc
هو بيشتكى منها لانه جايبها مستعملة من مالكها الاصلى فتقريباً بيغير فيها كل حاجة
كل شوية يغير قطعة منها
بس العربية ماشية 280 الف كيلو
بس بسم الله ما شاء الله عليها انا معايا النترا 97 بس هو بيزعلنى على الطريق
عربية راكبة على الارض وكمان بتجرى وموتورها عفى
ربنا يباركلك فيها وانا انصحك تتوكل على الله لانها عربية ممتازة
بس انتا مقولتش معروضة ليك على كام؟.؟

رد: استفسار عااجل بخصوص فيكترا 95
 

العربية معروضة على 38 الف .. فيها 2 ايرباج وabs رباعى وحساس درجة حرارة
عربية تحفة لكن القلق كله من حاجتين اتنين
الموتور ال 1300
وقطع الغيار اللى ناس تقول غالية جدا وناس تقول معقولة
انا كانت معايا ابيزا98 وبولو 99
لو قطع غيار الفيكترا زيهم كده تبقى ممتازة ومش غالية ولا حاجة

رد: استفسار عااجل بخصوص فيكترا 95