|
RPMهيجننى - وانا ماشي علي 40 بيكون rpm علي 3 او 3.5
عندي مشكله مجننانى في RPM
انا معايا هيونداى اكسينت اتوماتيك موديل 2000 العربيه معايا بقالها سنه الحمد لله تمام – من فتره رحت غيرت زيت الفتيس تقريبا في شهر 5 اللي فات وحطيط زيت غريب كدا امريكي اسمه ABRO والراجل قالى ده احسن من موبيل وكان الجركن الوحد لتر ب 35 جنيه http://masrmotors.com/vb/showthread.php?t=54822 غيرت زيت الفتيس كله والعربيه كانت تمام من 3 اسابيع لاقيت نتشه والعداد علي 20 يعنى تقريبا وهى بتنقل من الاول للتانى وبعدين RPM بيعلى والعربيه بتتخنق بس مبتسحبش من 40 لحد 60 وانا علي طريق السفر من 80 الي 100 فيه كام نتشه بسيطه كدا بس بحس بيها في الدواسه – من 100 لحد 160 العربيه الحمد لله تمام مفيش نتش ولا وجع قلب ساعات وانا سايق من 20 لحد 60 كدا بحس اكنى دايس over drive او اكنى بعمل kick dawn وبحس بالموضوع ده في دواسه البنزين اكنها مشدوده كدا – يعنى مش مضبوطه المهم رحت بيها لناااااااااااااااااااااس كتييييييييير منهم قالى غير فتيس واللي قالى اصلحه وفي الاخر رحت لميكانيكى مشهور عندنا في بورسعيد اول حاجه بص عل الزيت وقالى ده زيت طبيخ مش زيت فتيس روح غيره وتعالا المهم رحت نزلت الزيت كله وبالفعل الزيت كله طلع اصفر محروق وخفيييييييييف زى الميه بالزبط حطيط موبيل والميكانيكى قالى العربيه هتاخد فتره عقبال متتعود عل الزيت الجديد وكمان شهرين روح نزله وحط زيت تانى من الاول وجديد علشان تكون نظفت التروس كلها المهم انا لحد دلوقتى بعد مغيرت الزيت وكل حاجه زى مهيا اكن محصلش حاجه – ومحتار في RPM وانا ماشي علي 40 بيكون RPM علي 3 او 3.5 وطبعا بتنفخ بنزين افيدونى افادكم الله |
رد: RPMهيجننى - وانا ماشي علي 40 بيكون rpm علي 3 او 3.5
بنسبه كبيره عندك مشكله فى عملية التحكم
وأنا شاكك فى آداء حساس البوابه tps sensor أعتقد يجب أنك تنظف بوابة المكنه كويس جدا الأول وتجرب الآداء فإن لم تتحسن الأمور أرى أن تجرب حساس بوابه آخر |
رد: RPMهيجننى - وانا ماشي علي 40 بيكون rpm علي 3 او 3.5
كان الله فى العون
خايف يكون الزيت الامريكانى بوظ حاجة لا قدر الله طيب فى موضوعك بتاع تغيير الزيت مجبتش سيرة عن تغيير الفلتر و برضه دلوقتى مفيش سيرة عن تغيير الفلتر فهل غيرته و لا مش لاقيه لسة ؟ انا تقريبا فاكر ان لمبة الشك كده كده منورة عشان حساس الهوا فاحتياطى اعمل سكان لحسن يكون فيه كود خطأ جديد و اسأل هل الفتيس له سكان مستقل و لا على نفس سكان الماتور ؟ |
رد: RPMهيجننى - وانا ماشي علي 40 بيكون rpm علي 3 او 3.5
اقتباس:
بالنسبه للبوابه انا فكتها خالص ونظفتا بالمنظف الخاص (علبه لونها ازرق ) وهاشوف موضوع حساس البوابه ان شاء الله اقتباس:
لما غيرت الزيت اول مره قلبت الدنيا علي الفلتر وملاقتهوش خالص (لو فاكر عربيتى مواصفات امريكى فمختلف شويه عن الفيفا الهندى) ولحد دلوقتى مش لاقيه كشفت كمبيوتر عل الماتور وعل الفتيس كلا منفصل عن الاخر الماتور مفيش غير حساس الهوا زى ما هوا الفتيس مفيش مشاكل خالص انا عندي استفسار : هو مفيش اى حاجه تأثر في RPM غير الفتيس ولو RPM مش مضبوط مش يخلى العربيه تنتش في النقلات يعنى لو الطبيعى تنقل من الاول لل 2 علي RPM 1.5 مثلا وفي حالتى دى بتنقل علي 2.5 او 3 مش هيخليها تنتش طيب هو فيه ترس خاص ب RPM (واحد صاحبي كانت قابلته نفس المشكله تقريبا بس في هيونداى I30 والراجل غيرله ترس قاله ده خاص ب RPM وكان تمن الترس 20 جنيه ) دلوقتى انا بحس انا دواسه البنزين نفسها مشدوده كدا مش طبيعيه يعنى اكنى دايس اووفر درايف اللي المفروض يشتغل من 80 ل 100 بس شغال عندي من 20 ل 60 ؟ ارجو العذر في الاطاله وشكرا |
رد: RPMهيجننى - وانا ماشي علي 40 بيكون rpm علي 3 او 3.5
فعلا مشكلة كبيرة حكاية ان ملهاش فلتر بيتباع حتى لو مش هو السبب مع ان احتمال كبير هو السبب بس برضه لازم يتغير
فى حاجات كتير تخلى العربية تنتش و مش شرط يبان السبب فى السكان
الحاجات التانية كانت المفروض تبان فى السكان نظرية ان الفلتر السبب ما زالت قوية لان الضغط مش كافى لشعور حساس مثلا زيى بريشر سويتش فى الفتيس عشان يعجل بامر النقل بالرغم ان ممكن تدوخ على ما تلاقى فلتر بس ده امر حتمى حتى لو لا قدر الله بعد الدوخة و التغيير متحلتش المشكلة بس على الاقل حنبقى عملنا خطوة مهمة قبل ما تخش فى تقايل باشا ما تحطلى صورة العربية و بيانتها بالظبط ادور على الفلتر فى اسكندرية عسى ان الاقيه لانى ان شاء الله جاى بورسعيد يوم 18 |
| الساعة الآن 09:06 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017