|
العربيه اللانوس بتنتش !!!!!
السلام عليكم ورحمه الله وبركاته .....ازيكم يا رجاله الدايو......... عندى استفسار صغير ... انا عندى عربيه لانوس 1 موديل 97 النهارده كنت مسافر بيها السويس لما جيت ادور العربيه الصبح قبل ما امشى لقيتها بترعش قولت يمكن عشان بارده بعدين لما مشيت بيها لقيتها بتنتش جامد على التانى والتالت ولما جبت الخامس وقرصت شويه لقيت التنتيش يجى ويروح وفى صوت دبدبه من ناحيه اليمين مع العلم انى بحط بنزين 80 ياترى ممكن ده يكون فلتر بنزين ولا هوا ولا طرمبه بنزين ولا بوجيهات ولا رشاشات انا حاطط رشاشات اكسنت من سنه |
رد: العربيه اللانوس بتنتش !!!!!
غير فلتر البنزين فى أسرع وقت
حفاظا على طلمبة البنزين لأنك حاليا داخل على منحنى خطر ( ألا وهو تعرض طلمبة البنزين للتلف ) |
رد: العربيه اللانوس بتنتش !!!!!
اقتباس:
على فكره يا بشمهندس انا من اسماعليه جنب حضرتك وكنت قابلتك مره من حوالى سنه وشويه ...لما حضرتك ظبطلى فيشه الاوكتان عشان بنزين 80 انا هروح اغير فلتر البنزين ان شاء الله......بس حضرتك شايف اغير معاه البوجيهات وسلوك البوجيهات ولا ملهاش لازمه |
رد: العربيه اللانوس بتنتش !!!!!
يا أهلا بيك يادكتور
هنجرب تغيير الفلتر أولا ( لتقليل النفقات بقدر الإمكان ) وياريت تكمل التفويله الحاليه ببنزين 92 على ماتتظبط الأمور شويه من جهة التنتيشه وحينما تستقر الأمور ترجع تانى ل 80 وياريت تخليك مع بنزينة شيل ( عند مجمع المحاكم ) أو بنزينة موبيل ( الموجوده فى أول المنطقه الخامسه ) نظرا لأن تنكاتهما نظيفه مقارنة بأماكن أخرى |
رد: العربيه اللانوس بتنتش !!!!!
الف شكر يا بشمهندس سميرhttp://masrmotors.com/vb/images/smil...NGRA%7E238.GIF
|
| الساعة الآن 04:24 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017