اللوجان بتحدف شمال - و التوكيل محلش المشكلة
 

معايا لوجان 2011 من يوم ما جبتها و هيا فيها حدفة شمال - طول ما انا ماسك الدركسيون العربية مظبوطة لكان حاسس ان الركسيون بيرمى شمال و دايماً فى مقاومة لازم امسكة كويسة بمجرد ما اسيبه العربية تحدف شمال ( مش بشكل قوى يعنى ) و لكنه محسوس و يعطى احساس بعدم الثقة على الطريق - و قولتلهم فى التوكيل فى صيانة الـ 5000 قلوا ظبطنا العربية و هلى زى المسطرة - لكن المشكلة لسه موجوده - و انا دلوقتى فى 6500 كيلوا - عايز اعرف من السادة الخبراء - المشكلة دى فى ايه - و هل هتتحل فى التوكيل و لا اروح لحد بره و اريح نفسى

رد: اللوجان بتحدف شمال - و التوكيل محلش المشكلة
 

غالبا التوكيلات معندهمش ظبط زوايا احترافى فيفضل تعمله عند حد بره عادى ملهاش دعوة بالضمان بس لو كشف و لقى عيب فى العربية اوعى تعمله بره و عليك و على الضمان

رد: اللوجان بتحدف شمال - و التوكيل محلش المشكلة
 

انا زيك بحب عربيتى مضبوطه ( اكسنت) بالسنتى
كان فيها حدفه شمال والدركسيون مضبوط ضبطت زوايا كمبيوتر واكدت على الحدفه اتحلت فى ثوانى. خليه يجرب معاك الاول

المكان بنزينه موبيل (درباله) اول ش الهرم وانت رايح على الجيزه

احسن ناس بتضبط زوايا فى مصر

رد: اللوجان بتحدف شمال - و التوكيل محلش المشكلة
 

سيبك من التوكيل أطلع على مدينة نصر ش عباس العقاد توكيل بردجستون دول ممتازين فى ضبط الزوايا و ابقى طمنى
ملحوظة لو فى حاجة فى العفشة خد منهم تقرير و اوعى تعملها و أطلع على التوكيل خليهم يعملوها مجانا

رد: اللوجان بتحدف شمال - و التوكيل محلش المشكلة
 

الف شكر يا جماعة ربنا يخليكم - فعلاً زى الأستاذ / احمد على قالى التوكيل مش هيظبطلى زاويا لأنهم حاولو فيها ومحصلش اى نتيجة - و الف شكر للأستاذ / مازن بنزينة موبيل دربالة فعلاً ممتازة انا كنت بغسل العربية هناك و بغير زيت عندهم للعربية القديمة هما ناس فعلاً محترمين - و الرأى الأخير للأستاذ / ابو مريم هو الذى سوف انفذه بالفعل بخصوص ( بريدج ستون ) هاروح اظبط زاويا و افهم ايه النظام و اعرف اذا طلع فى حاجة جوهرية ارجع للتوكيل - و بالمرة انفخ العجل نيتروجين علشان انا عايز اعمل كده من زمان و مكسل - لأنى عندى عربية 128 اشتريتلها عجل جديد من سنتين و نفخته نتروجين و بسم الله ما شاء الله من يوميها و العجل زى ما هوا ما بينقصش خالص ولا صيف و لا شتا و لا اى حاجه