|
أريد نصائح قبل شراء الادا؟؟؟؟؟؟؟؟؟؟؟؟؟
السلام عليكم و رحمة الله و بركاته
طبعاً و زى مبيقولوا فى الأمثال : إيه اللى رماك عالمر قلت اللى أمر منه يعنى من رأيى فى ظروف الغلاء و قلة الميزانية مع ظروف الشوارع اللى الواحد مش لاقى منها مترين غير لما يكونوا مكسرين و كل واحد عامل مطبين أمام بيته. مش هتلاقى أفضل من المدرعة _ مرسيدس الفقراء - اللادا ( شكراً مقدماً لأى إقتراحات بموديلات أخرى بس برضه تبقى اللادا) * أحب أعرف شوية نصائح قبل شراء اللادا ( جديد - مستعمل) ========================= ========= 1- تحديد الموديل الأنسب حسب مميزات و عيوب كل موديل ( خاصة الفرق بين 2015 / 2017) 2- أفضل سنة صنع لهذة الموديلات , و متى ظهرت اللادا المصرى فى الأسواق 3- ما هى أساسيات اللادا ليتم الكشف عليها بدقة قبل الشراء. 4- العيوب الشائعة ( كالبيض و المقصات و علبة الدركسيون و سهولة فتح الشنطة.... ) و كيفية التعامل معها آسف أن معلوماتى قليلة بس كان نفسى يبقى ده تقرير كامل عن اللادا |
رد: أريد نصائح قبل شراء الادا؟؟؟؟؟؟؟؟؟؟؟؟؟
لو وجدت 2105 كويسة دواخل بالكامل ولا اى برومة يبق تجيبها لان صاجها اجمد من 2107 طبعا
ال 2107 صاجها جامد بردوا وبتنزل بأكصدام حديد بس 2105 اجمد منها وبعد كده توديها لميكانيكى تقول له ظبطها ولو عاوز تكشف عليها كهرباء بردوا ميضرش وعفشة على السريع وكل سنة وانت طيب هيبق معاك عربية عروسة ذى الفل ومبروك مقدما ولما تكون فاضى وعندك وقت ممكن تبداء تخدلها كماليات يعنى زجاج كهرباء تكييف سنتر وكده |
رد: أريد نصائح قبل شراء الادا؟؟؟؟؟؟؟؟؟؟؟؟؟
اخى الكريم
لو هاتجبها زيرو خلاص الموضوع منتهى فى كلمتين هات الروسي لو هاتجبها كسر زيرو وانا افضل الخيار دة يبقى هات اى موديل فوق 2003[COLOR="rgb(139, 0, 0)"] روسي روسي روسي والميين فى شراء عربية مستعملة هو السمكرى مش ميكانيكى مهم اوى متكنش مغيرة رفارف ومش هتلاقى فيها بارومة وانا متاكد كمان العتب مهم اوى واى سؤال انا تحت امرك بس حددلى السؤال لانى مش بعرف اعمل تقارير كبيرى ارد بس باستفاضة تقبل مرورى [/COLOR] |
رد: أريد نصائح قبل شراء الادا؟؟؟؟؟؟؟؟؟؟؟؟؟
شكراً للرد و الأهتمام من الأخوة الأعضاء esafegypt , mr_astra
أخى mr_astra غريبة حكاية السمكرى مع اللادا. رغم أنى كنت متوقع أنه يأتى بعد العفشجى و الميكانيكى. لأن اللادا معروفة بصاجها القوى!!! جزاكم الله خيرا |
رد: أريد نصائح قبل شراء الادا؟؟؟؟؟؟؟؟؟؟؟؟؟
لا العفشة مقدور عليها والموتور ولا يهمك ببلاش انما اساسيات العربية هى اهم ما فى الموضوع
لو هانرمى العفشة دى كلها ونجبها كلها جديدة تتكلف 750 جنية الموتور بجد كل حاجة فية رخيصة انما لو الدواخل والاساسيات بتعتها ملعوب فيها هانعمل اية ساعتها الفيصل السمكرى مش حد تانى |
| الساعة الآن 02:02 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017