مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   المنتدى التعليمى والمكتبة الفنية (https://www.masrmotors.com/vb/forumdisplay.php?f=158)
-   -   Adjusting the Head Light- ضبط الانوار الامامية (https://www.masrmotors.com/vb/showthread.php?t=76579)

DK.Cupo 07-01-2012 11:24 AM

Adjusting the Head Light- ضبط الانوار الامامية
 
نظام الإضاءة بالسيارة
ضبط الأنوار الأمامية
مركز شعاع الأنوار الأمامية المنخفض يجب أن يضيء الطريق لمسافة 30 متر أمام السيارة، بحيث يكون الشعاع الأيسر موجه للإمام ويكون الشعاع الأيمن موجه بانحراف بسيط ناحية حافة الطريق. ويكون شعاع الأنوار الأمامية العالي موجه إلى تحت مستوى الأفق مباشرة. ضبط الأنوار يمكن ضبطه بدقة عن طريق المتخصصين ولكن يمكنك أن تقوم بذلك بنفسك. أولاً تأكد من أن ضغط نفخ الإطارات سليم لجميع العجلات، وأن السيارة محملة بالحمولة المعتادة لها. أوقف السيارة على طريق مستوي على بعد 25 سم من حائط رأسي أو باب المرآب. أضئ الشعاع المنخفض للأنوار الأمامية ثم علم على الحائط, بقلم أو عن طريق لاصق, مركز الشعاع لكل كشاف إضاءة. أرجع بالسيارة للخلف مسافة 7.5 متر. لكل كشاف إضاءة مسماري ضبط، مسمار بالأعلى أو أسفل ومسمار على الجانب؛ لضبط الشعاع قم بتقريط أو فك تقريط المسمار. أضبط كل شعاع تحت الخط الأفقي بمقدار 5 سم: الشعاع الأيسر يكون رأسياً لأسفل؛ والأيمن يكون 5 سم ناحية اليمين من الخط الرأسي. في حالة نظام 4كشافات، أضبط الشعاع العالي بنفس الطريقة التي استخدمت لضبط الشعاع المنخفض، في حالة نظام 2كشاف فإن الشعاع العالي سوف يضبط ذاتياً مع الشعاع المنخفض.

mar mar 07-01-2012 11:39 AM

رد: Adjusting the Head Light- ضبط الانوار الامامية
 
:THE_PR~18::THE_PR~18:

borio1704 13-01-2012 12:18 AM

رد: Adjusting the Head Light- ضبط الانوار الامامية
 
أشكرك يا أستاذ DK.Cupo لإنك فتحت موضوع كنت عايز أتكلم عليه من زمان


بس كنت عايز أؤكد على كذا حاجة



ضبط الإضاءة مهم جدا

أولا لضمان سلامتك وسلامة الناس في الشارع (لو شايف الطريق والناس كويس احتمال الحوادث حيقل)

ثانيا لإن قانون المرور في أي دولة في العالم... بما فيهم مصر.... بيلزمك إنك تنور النور من أول ما المغرب يأذن... ولو ما نورتش تاخد مخالفة.



إضاءة الأنوار الأمامية لها شكل يشبه الشكل التالي
http://www.masrmotors.com/vb/attachm...2&d=1306116575



النور متصمم بالشكل ده بحيث إن الجهة اليمين تنور أعلى من الشمال، بحيث إن الجهة الشمال ما تبقاش أعلى من مستوى كبوت العربية المقابلة، بالطريقة دي عُمر ما النور حييجي في وشك


http://www.masrmotors.com/vb/attachm...3&d=1306116583



طيب إيه الغرض من الإضاءة العالية على اليمين؟؟


عشان تنور على العلامات المرورية اللي ممكن تكون في الطريق (وعادة بتكون على يمين الطريق)، وجرب كدة إنك تسافر على الصحراوي بالليل وتشوف العلامات منورة قوي كده ليه

على فكرة ... الإضاءة بتبقى عالية على اليمين في العربيات اللي دركسيونها شمال... وعلى الشمال في العربية اللي دركسيونها يمين لإن اتجاه السير معكوس


بس علشان نضمن إن إضاءة العربية مضبوطة لازم نتأكد من كذا حاجة مهمة

أولا: إن اللمبة مقاسها مناسب والفتيل بتاعها موجود في البؤرة الصحيحة اللي الفانوس متصمم عليه، يعني نجيب نفس مقاس اللمبة الأصلية، لا أطول ولا أقصر

ثانيا: اللمبة متركبة في مكانها صح ، برضو عشان موضوع البؤرة

ثالثا: الفانوس نفسه متركب في مكانه مضبوط

رابعا: نتأكد من إن اتجاهات الفانوس مظبوطة، لإن الفانوس في مسمارين للرجلاج (في الفانوس من ورا)... واحد للحركة الرأسية والتاني للحركة الأفقية

خامسا: العربيات اللي فيها إمكانية ظبط ارتفاع نور الفوانيس من التابلوه (أوتوماتيك) لازم يبقى ارتفاع النور متناسق مع كمية الحمولة اللي في العربية، خصوصا الحمولة الخلفية، يعني كل ما العربية كانت محملة لازم ننزل الفوانيس لتحت

سادسا: الفانوس المتركب بينور عالي على اليمين.. مش على الشمال... عشان فيه فوانيس استعمال موجودة في السوق بتبقى جاية من بلدان اتجاه الدركسيون في على اليمين (زي انجلترا واليابان والهند وأستراليا)



طب إزاي نظبط النور؟؟؟؟؟

زي ما الأستاذ DK.Cupo كتب :

1- اختار مكان يكون الأرضية فيه مستوية (جراج عمارة مثلا) وقرب وش العربية من الحيطة قوي
2- لما تنور النور حيكون فيه بقعتين نور على الحيطة، علم علامة + عند أكتر منطقة مضيئة في كل بقعة
3- ابعد بالعربية لورا مساقة 7م تقريبا، المفروض تلاقي نقطة بداية المثلث في نص علامة +

زي كدة:
http://www.masrmotors.com/vb/attachm...1&d=1306200360


وعموما، لازم برضوا تتأكد بنفسك، المفروض إن النور يبقى في حدود مستوى اكصدام العربيات اللي ماشية قدامك على مسافة حوالي 10 - 15 م

...

I.ABUBAKR 13-01-2012 03:22 AM

رد: Adjusting the Head Light- ضبط الانوار الامامية
 
:018A1D~146::018A1D~146:: 018A1D~146:

جزاك الله كل خير
فعلا كنت محتاج الموضوع ده
:danceW7:

محمود زيزوو 14-01-2012 05:39 PM

رد: Adjusting the Head Light- ضبط الانوار الامامية
 
فعلا زى عندى بالضبط الموضوع دة لدرجة انى قولت النور الشمال ضعيف شكرا للتوضيح


الساعة الآن 12:56 AM.

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017