دينامو الاكسنت 1500 موديل 99 كاااااام امبيييير ؟؟
 

انا عندى مشكله من خلال قرأتى المنتدى اشك ان لها علاقه بالامبير (الدينامو اوالبطاريه)

رد: دينامو الاكسنت 1500 موديل 99 كاااااام امبيييير ؟؟
 

للاهميه القصوى

رد: دينامو الاكسنت 1500 موديل 99 كاااااام امبيييير ؟؟
 

ماهى المشكله الموجوده عندك بالسياره ...........؟

وياريت بالتفصيل

للأسف مش هتقدر تحدد قدرة الدينامو عندك إلا من خلال كتالوج الصيانه الخاص بالسياره ....؟

أى الكتالوج الفنى الخاص بكل كبيره وصغيره سواء للداتا الفنيه أو طرق صيانة الأجزاء المختلفه بسيارتك

رد: دينامو الاكسنت 1500 موديل 99 كاااااام امبيييير ؟؟
 

كنت حاسس انك انت اللى هترد عليا
المشكله ببساطه وياريت لو حاجه مش واضحه بعد اذنك تسألنى لانى زهقت من الصنايعيه

عندى الاتى
العربيه كما وضحت انفا اكسنت 99 1500

فيه رعشه خفيفه جدا فى النور عند استخدام زجاج الكهرباء اثناء تبطيل العربيه
الرعشه الخفيفه تتحول الى وطيان وعلو الماتور على دوارن السلانسيه بطريقه ملحوظه

كان عندى دينامو قديم شبه بايظ شغال على كتاوت خارجى تم تغيره بدينامو استيراد بكتاوت داخلى (العادى بتاعها)
وبالمره ركبت ريجليتور نور عشان عندى اللمبات 200-260

حسيت للوهله ان المشكله اتحلت قبل تركيب ريجيلتور النور
ولكنها عادت كما هى او لم تختفى اصلا بعد تركيب ريجيلتور النور

فيه عدم ثبات فى الار بى ام خفيف بدون اى احمال كهربائيه (السلانسيه مش مضبوط)

الكهربائى شاكك فى البطاريه (جافه) شاكك انها مش بتخزن كهرباء كفايه ( وهنا عندى سؤال هى العربيه بتشغل على كهرباء ايه اثناء السلانسيه البطاريه ولا الدينامو)
البطاريه موجوده فى العربيه من وقت شراء العربيه 8 شهور.توقعى مع صاحبها القديم من قبل كده بفتره لانه مكنش بيغير سلكه.
البطاريه لا عمرها قطعت او تأخرت الدوراه الصبح.

- شحن الدينامو مظبوط
-غسلت الماتور بماء غزير فى البنزينه من ساعه شراء العربيه قبل شد او تغير اى شئ
-فى استهلاك غير طبيعى للبنزين داخل البلد 14 لتر فى ال 100 كيلو مع العلم على الطريق استهلاكها الله اكبر ممتاز.

غيرت لمشكله استهلاك البنزين طقم دبرياج-سيور-زيوت-فلاتر-بوجيهات مره شمعه ومره 3-منظف انجيكشين-منظف جميع الحساسات وبوابه-كاشف كمبيوتر مفيش مشاكل الا 2 ملى سكند زياده فى فتح الانجيكشين.

رد: دينامو الاكسنت 1500 موديل 99 كاااااام امبيييير ؟؟
 

نقدر نقول أن البطاريه هى من تحمل العبء الأكبر وقت بدء الدواره وأوقات السلانسيه بصفه خاصه

على أساس أن قيمة تيار الشحن الخارج من الدينامو بيكون ضعيفا مع السلانسيه

الحمد لله

غالبا توجد عندك عدم توصيل جيد لكابلات البطاريه

حاول تفصلها بترتيب صح ( السالب ثم الموجب )

ونضف قواطيش البطاريه كويس جدا ( وصنفرها وأغسلها بماء ساخن وجففها وربط كويس جدا )

وإبدأ بتركيب القطب الموجب ثم السالب

وغطى الأقطاب بلحسة شحم خفيفه

ودور وأعمل مشوار كويس ( حوالى 20 كم رايح جاى )

ونشوف التطورات بعد شوية النظافه دول