مصر موتورز مجتمع السيارات

انا عندي بعض الاستفسارات يا ريت تجاوبوني عليها, انا اشتريت افيو سيدان 2011 مصري من توكيل طنطا اللي علي طريق القاهرة اسكندرية الزراعي, عاوز اعرف الاتي:

1-عداد السرعة اكتشفت انه بيعلق!

2-الدريكسيون اما يكون في النص بالظبط, الكوتش بيحدف!

2-هو التوكيل بعمل سمكرة ودهان؟! لان بابا الله يسمحة بقي خبطها وهو بيخرجها من الجراج والرفرف اطبق, والمرايا اتكسرت, وجزء من الدهان وقع!

3- تحت الدهان لقيت بقعة صدا خفيفة, وبعد ما فحصت العربية لقيت في حتت كتير وبالذات علي حدود واطراف الصاج, بقع صدأ برده!

4-كلمة افيو, وكلمة شيفرولية اللي علي العربية, بعض الديجيتس اتكون عليها نقط كده وبقي لونها مطفي, بعكس الباقي اللي لسه بيلمع! وفي مادة بيضة غريبة كدع عملة خطين واحد تحت كل من الكشافين الخلفيين

5-الطسات بتاعة الكوتش اتنين منهم اتعوجو, واحده انا حسيت بيها, خبطت في طوبة في الارض, لكن الواضح انهم بيطبقوا بسرعة؟! كمان اما اجي احسس علي الصاج, بيطبق بسهولة؟! ده علي كده اي خبطة "جامدة" والعربية مع السلامة :(

وده استفسار بسيط برده معلش اصل باب هو اللي راح جابها, بعد توصية مني :( انا حاسس انها كبيرة قوي, هي في منها احجام؟! ايه الفرق بين دي واللي مكتوب "ال اس" جنب كلمة افيو.....كمان الكتالوج مكتوب بشكل عام.....اعرف ازاي معلومات عن متور العربية دي, ونوع البنزين وكده يعني ازاي.....

شكرا ورجاء متبخلوش عليا بالردود

ايديت: برده ساعات العربية بتترج رجه جامده كده وانا بسوق, بس انا مقتنع ان ده عيب سواقة, ولا ايه؟! عشان ابقي عارف انا هعمل ايه في التوكيل بالظبط!