الفتيس الأتو الجديد ال8 سرعاتDSG
 

عندى أستفسار ياجماعة هو الأتو الجديد 8سرعات هو dsg هو الموجود فى volkswagen لان للأسف دة لة مشاكل كبيرة أوى و بيغيراسطوانة بالكتير على 50000 ألف كيلو عشان زحمة الشوارع فى مصر

رد: الفتيس الأتو الجديد ال8 سرعاتDSG
 

أية ياجماعة مفيش حد عندة فكرة عن الفتيس الجديد؟؟؟ متابع بأهتمام

رد: الفتيس الأتو الجديد ال8 سرعاتDSG
 

على ما اعتقد الفتيس الDSG و هو من فئة علب التروس الذكية ذو اسطوانتين قابض فاصل 7 نقلات امامية و واحدة خلفية.
هو فيه مشكلتين, معظم علب التروس الذكية (سيكونشال) بيكون عمر الاسطوانة فيها أقل من عمر اسطوانة المانيوال العادى, لأن معدل تغيير السرعات أكبر, كما ان تغيير السرعات اسرع.
فى حالة علب التروس ذات القابض الفاصل (دبرياج) واحد كالموجودة فى الفيات و الاوبل و البيجو, بيبقى عمرها أقل بمعدل ليس كبيرا (حوالى 80 الف لو افترضنا ان عمر القابض الفاصل العادى 100 الف).
الغريب أن علب التروس ثنائية القابض الفاصل مثل الDSG غالية الثمن و ثقيلة الوزن, لذا لا تستخدم سوى فى السيارات الفارهة مثل الفيرارى, لكن فولكس استخدمتها فى سيارة رخيصة نسبيا مثل الجولف, و ده شىء عجيب.
أداء الDSG رائع, و سريع, و لكن معدل استهلاك الاسطوانة أعلى بكثير لأنها ليست مجهزة للزحام, طبعا يعتمد عمر الاسطوانة على أسلوب القيادة.
لو كنت ناوى عليها, فيمكنك اتباع بعض النصائح لاطالة عمر الاسطوانة :
- عند التوقف فى الزحام, لا تترك السيارة على الوضع Drive او Manual, بل ضعها على N.
- خفف من الضغط على الوقود اثناء تغيير السرعات(طبعا لو انت على المانيوال).
- تجنب القطر تماما فهو مدمر للاسطوانة.
- لا تغير السرعات الا عند الحاجة, فهذا النوع من علب التروس يغريك بتغيير النسبة كل ثوانى معدودة لأنه أسهل من المانيوال.

رد: الفتيس الأتو الجديد ال8 سرعاتDSG
 

متشكر ياسيد فادى انا فعلا كنت عارف المعلومات اللى ىسيادتك ذكرتها بس كنت فاكر أو أتقلى أن تكنولوجيا التصنيع لدى البى أم أعلى بكتير من باقى السيارات و كمان فوق كل دا أنا مش عارف فعلا الجيل الجديد من الفتيس موجود فى سيارات البى أم الجيل الثالث و الأول و معرفش أن كانت فى الفئة السابعة كمان بس انا متأكد أنة 8 نقلات بس مش عارف هو أستب ترونيك ولا DSG لأنى أتصلت بأحدى الوكلاء فى الأسكندرية و حسيت أنة مش فاهم أد كدة.... ياريت لو فى حد عندة فكرة عن تجربة ياريت يقولنا ضرورى ياجماعى ...فى أنتظار ردكم

رد: الفتيس الأتو الجديد ال8 سرعاتDSG
 

علبة التروس السكونشال (زى الDSG) لدى بى ام اسمها SMT, و هى مأخوذة من فيات (التى اخترعت هذا النوع من علب التروس), لكنها متوفرة فى النسخة الرياضية M3 فقط, أما النسخة العادية من الفئة الثالثة و على حد علمى تتوفر بعلبة تروس ستيب ترونيك اوتوماتيكية (تعتمد على محول عزم و ليس على اسطوانة احتكاكية) انا مش متأكد لأن معلوماتى عن البى ليست محدثة.
رايى الشخصى خش على النت و دور فى الforum بتاعة الفولكس, و شوف المشاكل التى واجهت سائقيها فى اوروبا لأنها اكثر انتشارا هناك, و مشاكلها هتبان اكتر.
اذا موضوع الDSG قفلك من الفولكس, فهناك خيارات اوروبية جذابة جدا فى هذه الفئة و ربما افضل من الجولف, زى البيجو 308 و السيتروين C4 و الفيات برافو.