مصر موتورز مجتمع السيارات - باركولي اشتريت لانسر الشارك 2011 .. بالصور

الحمد لله رب العالمين ...
ربنا أهداني هدية عظيمة لم ارفضها بعد تفكير عظيم ومقارنات ودخول مواقع وأسئلة كتيــــــر عن أفضل سيارة سيدان عملية وقوية وثابتة وقطع غيارها آمنة ( وليس رخيصة ) ..
في 5-10-2011 ..اشتريت لانسر 1500 الشارك أبيض ...من البحرين ..من الوكيل الزياني ...
وكانت تجربتي كالآتي :
قبل الشراء :
فكرت في عربيات كتير وهم كالآتي :
1- سكودا أكوتافيا 2011 فانتازيا كما سماها أهل مصر أهلي ... السعر 9600 دينار بحريني 1600 سي سي فل اوبشن سعرها في مصر 209 الف جنيه في مصر فتحة سقف ..سبب عدم الشراء سعرها + قطع غيار غالية جدا + الأوروبي في الخليج غير مرغوب ومحدش بيفهم فيه ...يبقي سبب البيع مش عيب في العربية ..عيب في ميزانيتي والفنيين للتصليح فيما بعد ... مع الاعتراف الكامل والإيمان المطلق بأنها الأفضل على الإطلاق دون منافسة .
2- باساتCC ألماني الصنع - 1800 سي سي - السعر 9200 دينار - سبب عدم الشراء : السعر + 1800 سي سي يعني الجمرك 135 في المئة .
3- النتر أفانتي : كوري الصنع - 1800 سي سي - السعر 7200 دينار - السبب الجمرك .
4- هوندا سيفك - ياباني الصنع - رقم 2 بعد الأسكودا - 1800 سي سي .... السبب الجمرك .
5- تويوتا - ياباني المنشأ -تايلاندي الصنع وتايواني ..ولعب عيال في لعب عيال ... 1600 سي سي ..بس ورق وبلاستيك على الرغم من انتشارها في الخليج ... بس مش عجباني حتى لو ادهوالي مجانا ... مش عايزها لانها عربية حقيرة بمعنى الكلمة ومحدش عارفها غير اللي ركبهاا ...
6- لانسر بومة 1600 سي سي ... عربية ياباني على ابوها ... ستيترونيك محافظة على سعرها ... العيب واطية على الأرض وصغيرة ... وبقارنها بالعربيات اللي على الطريق هنا ..بحس انها 128 ..
7 - لانسر الشارك 1500 سي سي عزم اقوى من البومة ..ياباني طبعا - ستيبترونيك ..فخمة ..كبيرة شكل ما ... مفهاش ميديا ولا اوبش كوري ..بس هو كدة الياباني متانة في الصنع قليل من الاوبشن ..بس رضا لمن يرضا ..احنا ننهب ... رزق وفضل من عند ربنا ...
بعد الشراء :
اخترت الأبيض ... لونها حلو خاصة مع الفوانيس الزئبقية السوداء ... دي في دي - جي بي اس - راديو - تليفزيون - كاميرا خلفية - طبعا زجاج كهرباء - بدون فتحة سقف - غلق الابواب اتوماتك - ريموت بالمفتاح لابواب والشنطة - غلق الزجاج من عند السائق - اير باج 2 للامامي ...
وفي البداية حسيت ان العربية تقيلة في اول الطلعة ..يمكن كنت بقارنها بالاسكودا بتاعتي اللي في مصر ... بس بصراحة بعد كدة اتعودت عليها والصوت كان خشن بس العفشة الرياضية هى كدة والصوت راح بعد الالف كيلو ... جنوط 16- ......................... ............ وطبعا سمعت لناس كتير انها بطة وبنت تيت في تيت ..بس على مين ..الكفتجية كتير ... انا اخترت الياباني ..على الرغم من انى كنت هبدلها بعد شهر في المعرض مع اسكودا بس حسيت انى هدفع فرق ومصاريف ومحدش عارف اخرة الالماني او التشيكي ايه في الخليج ..مصير غامض ....
والآن معاكم الصور ..ياريت تعجبكم .....
http://im15.gulfup.com/2011-12-28/1325023318591.jpg

http://im15.gulfup.com/2011-12-28/1325023318742.jpg

http://im15.gulfup.com/2011-12-28/1325023318363.jpg

http://im15.gulfup.com/2011-12-28/1325023318404.jpg