عداد ديجيتال
 

السلام عليكم ورحمة الله وبركاتة
أنا عندى جولف 2 موديل 91 عداد عادى من غير rpm كنت عاوز أركب عداد ديجيتال فهل ينفع ولا لا و أجيبة منين و بكام
وبالنسبة للاكصدامات gl هما كلهم ذى بعض ولا فيهم أنواع لان فى فرق فى السعر كبير ما بين 750 الى 1200 وفية واحد أعرفة عارض الامامى بس ب 1250
للعلم أنا من الاسكندرية وبنزل القاهرة فى شغل
وشكرا"

رد: عداد ديجيتال
 

ان شا ء الله حد يرد عليك
مش عارفه افيدك هم اكيد هيفدوك

رد: عداد ديجيتال
 

بالنسبة للاكصدام فية رفيع وفية كبير وهو دة الى عامل فرق السعر،
الرفيع لونة اسود والكبير بيبقى جزء اسود والباقى بلون العربية
اما العدادات فانا متابع معاك

رد: عداد ديجيتال
 

اجمل وأروع شيء فى جولف 2 انها بتقبل اى تعديل فى معظم الأجزاء بالنسبه لموضوع العداد مفيش اى مشاكل مع تغييرللعداد الديجيتال بس لازم تجيبو كامل بكل الفيش بتاعته وتخلى كهربائى بيفهم يركبهولك انا كنت جايب واحد من حوالى سنه كده لواحد زميلى معاه جولف زى اللى معايا موديل 89 بحوالى 350 جنيه بس كان كامل بكل فيشه وكل مستلزماته والاكصدامات الـ GL مبلغ 1250 جنيه على الامامى بس ده واحد بيستهبل لانك لو زودت 100 عليهم او بنفس المبلغ تجيب جوز اكصدامات خلفى وامامى وبرضه بيركب على وضعه بس لازم بتشيل القنطره الحديد اللى قدام لو هتركب الاكصدامات العريضه والفيبر اللى فى الفجاوى اللى تحت الاكصدام والكساحات طبعا
اتمنى اكون أفدتك :)

Khaled Negm