مصر موتورز مجتمع السيارات

بسم الله الرحمن الرحيم
الأخوة الكرام أعضاء المنتدى المحترمين
السلام عليكم وبعد التحية

أخى وصديقى وزميلى الرجل حذارى أن تكون زوج لزوجتك مثل كل الأزواج حذارى وأن تكون زوج تقليدى لزوجتك (ممل - قديم - تقليدى - صامت - راضى - مستكين - باهت - مش فارقة - جوازة وخلاص - مشى حالك علشان تسكت - السكوت علامة الرضا) خلى بالك الصفات دى بدايات احذر من البدايات
وخلى بالك البداية الغير موفقى مش حلوة

خليك متجدد وخليك مرح هما بيحبوا كدة معلش ودة صعب شوية علينا فى الأيام دى
احلق دقنك علطول هما بيحبوا كدة
البس الوان فاتحة بلاش القاتمة
اتمشى معاها علطول على رجليك بلاش العربية
عاملها على انها مش زوجتك عاملها على انها صاحبتك زميلتك او بنت الجيران
قلها يا جميل يا غزال يا قشطة , هما بيحبوا كدة
قلها صباح الخير , مساء الخير هما بيحبوا كدة
خليك ريلاكس أوعى العصبية اضحك وانتى مولع من جواك هما بيحبوا كدة
متجبش سيرة القبض ولا الفلوس خالص
متقلش كل شوية مفلس مفلس مبيحبوش كدة
سافر معاها بالعربية سفر بعيد اكنها مش زوجتك هما بيحبوا كدة
اتصل بيها من الشغل كتير
متنمش وتسيبها سهرانة لوحدها تتفرج على التلفزيون
هاتلها وردة وانت راجع من اى جنينة جنب البيت
غنى فى البيت كل شوية بصوت عالى
عاملها زى ما بتعامل أعز صحابك هما بيحبوا كدة وبيغيروا من الصحاب

وربنا يكرمنا ان شاء الله ويهديهم علينا
منقدرش نستغنى عنهم
وشكرا