مصر موتورز مجتمع السيارات - تجديد رخصة الفيرنا من غير رشوة

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - تجديد رخصة الفيرنا من غير رشوة (https://www.masrmotors.com/vb/showthread.php?t=74771)

تجديد رخصة الفيرنا من غير رشوة

امباح قولت لما روح اجدد رخصة العربية واخلص من الهم التقيل ده
روحت البنك الساعة 12.30 علشان اخلص جواب المرور ماصل الحلوة بالقسط المهم لاقيت البنك (بنك ناصر) فاضى على غير العادة وا/مجدى بيبتسم لية برده على غير العادة سبحان الله الامور كانت ميسرة انجزت الجواب فى عشر دقايق
وبعد كدة وصلت المرور (مرور الدقى)الساعة 1.30 ولاقيته برده فاضى دفعت التأمين فى شركة مصر للتأمين 108 جنيه وقمت طالع جرى اطلع المخالفات وانا عمال اقول لااله الا انت سبحانك انى كنت من الظالمين يا رب نجينى من شرهم اصل العملية مش ناقصة المهم لاقيتهم فاضيين ومستنينى مفيش دقيقة ونادى علية وقالى هات 5 جنيه فرحت وبقيت مظأطط قمت رايح بعد كدة شارى نموزج ب10 جنيه ودافع ضريبة وشوية حبشتكنات تانية اشى صندوق ظباط ورسوم تنمية وخدمات وشوية كلام فاضى ملناش فيه ب297 جنيه واستلمت الرخصة بعد نص ساعة وانا مش مصدق نفسى افتكرت نفسى مطلعها من الامارات
وكدة تبقى وقفت علية كلها ب430 جنيه من غير مادفع مليم واحد رشوة
معلش طولت عليكم بس حبيت اسرد لكم التفاصيل علشان اقولكم انه مش لازم ندفع رشوة علشان ننجز مصالحنا وان احنا لما بندفع احنا اللى بنعودهم على كدة
فانا من ساعة ما نزلت من بيتنا لغاية ما استلمت الرخصة ساعتين زمن بالظبط من غير رش ولا احزانون ونفسيتى مرتاحة وزى الفل000 ولكم خالص تحياتىROSE4U

رد: تجديد رخصة الفيرنا من غير رشوة

ربنا يكرمك ياتونسى ..ولكن كان لازم تنوه ان ده تجديد شباك بمعنى انك بتدفع الضريبه والتامين والمخالفات لو فى وبعد ذلك ان الله يحب المحسنين
لكن لو بتجدد فحص اكيد هيبقى فى تعب اكتر من كده بكتير وهتقف فى طابور طويل عريض من الراغبين فى الفحص امام الظابط المبجل وطبعا انت عارف التلاكيك والارف بتاعهم وبتاع اللى خلفوهم

رد: تجديد رخصة الفيرنا من غير رشوة

اقتباس:

المشاركة الأصلية كتبت بواسطة احمد سويلم (المشاركة 578658)

ايوة ده تجديد سنوى بدون فحص ولعلمك انا كان معايا بولونيز قبل كدة وجيت افحص وطبعا المهندس كان عايز يقفش بس سيبته قفاه يقمر عيش قام مغتت وقالى العربية عايزة تتغسل قمت مديها فوطة على السريع وبعدين قال فيه فاميه فى ازاز الهواية الخلفى قمت شايله فى دقيقتين ومدتوش ولا مليم
وان شاء الله لما هاجى افحص فيفى هرشها واروقها لانها طبعا متجرحة ومتروقة دلوقتى فقولت مش هعمل اى حاجة فيها واعملها وقت الفحص وهمشى معاهم ميرى ولا عزاء للمرتشين

رد: تجديد رخصة الفيرنا من غير رشوة

الله عليك يا تونسي باشا فكرتني بالفحص ان شاء الله اول فحص هيبقي في شهر 10 اللي جي علي ما القطه تتم 4 سنين والف مبروك يا كبير علي التجديد وربنا يديك خيرها ويكفيك شرها

رد: تجديد رخصة الفيرنا من غير رشوة

مبروك وعقبالي بع 15 يوم