حد يقولى لية سحب النوبيرا الاوتوماتيك ضعيف ومبيشدش
 

اخوانى اعضاء المنتدى الكرام بعد التحية
انا عندى مشكلة فى نوبيرا 2001 اوتوماتيك وهى ان سحبها ضعيف ومبتشدش فى الطلعة زى اللانسر مثلا وكمان استهلاك البنزين 140 ك فى الصفيحة واستخدم بنزين 80
ممكن حد يقولى اعمل اية

رد: حد يقولى لية سحب النوبيرا الاوتوماتيك ضعيف ومبيشدش
 

انا معايا نوبيرا 2003 اوتوماتيك و اللى عرفته ان البنزين 80 وحش جدا جرب تفضى التنك وتحط 10 لتر 95 ومنظف رشاشات لان اكيد الرشاشات بتسيل بنزين وبالتالى بتستهلك اكتر لان وظيفتها اساسا اقتصاد استهلاك البنزين وياريت تبص كويس ع البوجيهات وهاتهم المانى 3 شعله ولما تحرق 10 لتر مشيها بنزين 90 اغلى شيه بس هيحسسك بفرق ف السحب جدا وانا مريت بنفس الموضوع دا والحمد لله دلوقتى العربيه اتظبت

رد: حد يقولى لية سحب النوبيرا الاوتوماتيك ضعيف ومبيشدش
 

ده سببه البنزين ال 80 اولا غير فلتر البنزين و اليوجيهات وحاول تفضي التنك وتروح البنزينه تملي نص التنك 95 وتضيف منظف الرشاشات ونوعه stb لونه اسود وكمل التنك بعد الاضافه بنزين 92 وخدها مشوار حلو وبعد كده فول يراحتك بقي 90 او 92 ولو مجبتش نتيجه نظف الرشاشات بالالتراسونيك هتبقي زي الفل :fun_36_3_1[1]:

رد: حد يقولى لية سحب النوبيرا الاوتوماتيك ضعيف ومبيشدش
 

السلام عليكم
اخي الكريم مشكله حشرتك تنقسم الى شقين:

1-المتور:
1-بنزين 80 مش هياثر كتير على المتور عشان متورك حقن الكتروني مش كربريتر والحاجه الوحيده الي ممكن تتاثر هي حساس الشكمان(وده في حالات نادره).لكن تاثير البنزين ده انه بيضعف السحب جدا جدا
2-الفلاترمن اسباب زياده صرف البنزين .حاول تغير فلتر البنزين وفلتر الهوا مهم جدا وبفووق المتور
3-لو لمبه check engine منوره لازم تعرف السبب وتطفيها
4-البوجيهات ممكن تغيرها وتجيبها عاديه حتى مش لازم 3 شمعه(ولو انها افضل)بس المهم انها تكون اصليه .وممكن تجيبها من توكيل دنسو الي في التوفيقيه
5-لو الشكمان مخروم الحمه ضروري لانه بياكل بنزين وبيضعف السحب وبيهرب العادم على الفتيس ..يسخخن الزيت ويضعف اداء الفتيس ويسبب تلفه

2-الفتيس:
من افشل الفتايس الاتوماتك فتيس السيفيا والنوبيرا والتريوس..حاول متقرصش عليه عشان مشاكله كتير ومتكرره وهو اصلا بيتلكك.وممكن يكون سبب ضعف السحب ان الكلاتشات متاكله او ان الفتيس بينقل من الاول للتالت على طول من غير ميدي تاني..وممكن تكون العربيه بتطلع على التاني اصلا ومش بتاخد اول..كده يعني
ROSE4U

رد: حد يقولى لية سحب النوبيرا الاوتوماتيك ضعيف ومبيشدش