تكييف فيكترا A
 

العربية أوبل فيكترا موديل 1995 والسيارة بحالة الفابريكة و كذلك نظام التكييف كله ماغيرتش فيه حاجه

كان حصل تسريب في الفريون عن طريق الصمام العلوي و غيرته و شحنت فريون في التوكيل و بعد كده التبريد بقى ممتاز

المشكله ان من بعد ما شحنت في التوكيل التكييف بقى بيعمل ثلج على السربنتينة الداخلية للتكييف لان معدل الهواء بيقل مع ثبات سرعة المروحة لحد مايتخنىء الهوا و صوت المروحة خالص . بس ده بيبان بعد وقت طويل في السفر مش جوه البلد و خصوصا لما يكون الجو حر و رطوبة

و كذلك ماسورة الفريون عند الموتور بيبقى عليها قشرة ثلج
ولما بفصل الفريون 5 دقائق الثلج بيسيح و بيرجع التكييف طبيعي
و لو العربية واقفة بلاقي تحتها بركة مياه تحت خرطوم فايص الحوض

مش عارف هل هيه شحنة فريون زياده واللا عطل !!

يا ريت نصيحة الخبراء لانني خايف المشكله دي تأثر على كفائة التكييف مع الوقت

و لكم جزيل الشكر

رد: تكييف فيكترا A
 

يا ريت الساده خبراء التكييف يساعدوني... و شكرا

رد: تكييف فيكترا A
 

أنا عندي اوبترا 2011 وبيحصل معايا نفس المشكلة وعمرى ما شحنت و لا لعبت في التكييف العربية زي ما هي من يوم ما استلمتها